Anna Paulowna (Noord-Holland)
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Anna Paulowna is 'n veurmaolege gemeinte en 'ne polder in de Nederlandse provincie Noord-Holland, in de Kop vaan Noord-Holland, mèt (1 juli 2006) 14.031 inwoeners en 'n oppervlak vaan 77,56 km2 (daovaan 2,59 km2 water). Binne de gemeinte laoge de dörper en gehuchte Breezand, Kleine Sluis, Kreil, Nieuwesluis, Van Ewijcksluis en Wieringerwaard. Anna Paulowna had veural 'n landbouwfunctie.
[bewirk] Historie
De gemeinte Anna-Paulowna besteit oet drei polders: de Anna-Paulownapolder, de Wieringerwaard en de Waardpolder. In vreuger tije huurden 't tot 't Fries kolonisatiegebeed, meh in de loup vaan de Middeliewe raakden 't gebeed oonder water. De Wieringerwaard woort in 1610 droeggelag, de Waardpolder in 1834. De Anna-Paulownapolder, verneump nao keuningin Anna Paulowna, vrouw vaan Wöllem II, kaom in 1846 veerdeg en woort in 1870 'n zelfstendege gemeinte. 't Waor de lèste polder in Nederland dee mèt particuliere middele gefinanceerd waor; alle later polders woorte op laas vaan de Staot aongelag. Tot 1990 waore de drei polders zelfstendege gemeintes; daonao fuseerde ze tot de nui gemeinte Anna Paulowna. In 2012 góng de gemeinte zelf weer op in Hollands Kroon.
[bewirk] Gebore in Anna Paulowna
- Lou de Palingboer, Nederlandse goeroe
- Ard Schenk, Nederlandse sjaatserijer
