Altaïsche taole

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De Altaïsche taole zien 'n gróp veural in Azië gesproke taole die dudeleke euvereinstumminge vertuine en meugelek femilie vaanein zien. Tot de Altaïsche taole hure in eder geval de Turkse taole, de Mongoolse taole en de Toengoezische taole, en volges väöl oonderzeukers allewijl ouch de Japanse taole en 't Koreaans. Tot veurbij 't midde vaan d'n twintegsten iew woorte ze (nog zoonder Japans en Koreaans) algemein es taolfemilie gezeen; vaanaof de late jaore viefteg evels zien sommege taolkundege goon twievele of de euvereinkomste tösse de versjèlle gróppe neet ieder 't gevolg vaan 'ne Sprachbund waore. Turks, Mongools en Toengoezisch same neump me Micro-Altaïsch, de veurgestèlde femilie mèt Japans en Koreaans debij Macro-Altaïsch.

Gemein of väölveurkoumende kinmerke vaan de Altaïsche taole zien in eder geval 'n agglutinerende vörmlier, vocaolhermenie, naomvalle (veural Micro-Altaïsch), e groet aontal geliekluiende achterveugsels en e beperk aontal cognaote.

In 't verleie is 'n relatie tösse de Altaïsche en de Oeralische taole veurgestèld. 'n Klein minderheid vaan modern taolwetensjappers nump dees twie femilies, same mèt de Indogermaanse en nog aander taole, same in de macrofemilie vaan de Nostratische taole.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Altaïsche_taole&oldid=353787"