Alphonse Olterdissen

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Beeld vaan Alphonse Olterdissen door Willem Hofhuizen, aon de Groete Lurestraot in Mestreech

Alphonse (Fons) Olterdissen (Mestreech 12 december 1865 - aldao 24 fibberwarie 1923) waor 'ne Mestreechse sjriever en diechter. Zien wèrk, dat besteit oet toneelstökker en opera's, behuurt tot 't bekindste wat oets op 't Mestreechs of zelfs op 't Limburgs gesjreve is. 't Slotkoer vaan zien kemikke opera Trijn de Begijn woort later 't Mestreechs Volksleed.

Leve[bewirk | brontekst bewerken]

Olterdissen woort in Mestreech gebore, mer umtot heer 'ne Duitse vajer en 'n Zieuwse mojer had waor 't Nederlands zien mojertaol. Heer lierde 't plat evels op straot. In 1883 góng heer in Amsterdam nao de Rijksschool voor de Kunstnijverheid. Wie heer daorop aofstudeerde begós heer 'n teikensjaol in Mestreech, die gei succes woort. Later in de jaore negeteg begós heer ziech veur de promotie vaan 't Mestreechs toerisme in te zètte mèt de vereineging Maastricht Vooruit. Zie gebrek aon zakelekheid leverde häöm 'n enorm sjöld op.

Die sjöld perbeerde heer aof te losse mèt toneelstökker en operettes. Nao e paar flops trof heer in 1907 doel mèt De kaptein vaan Köpenick, e stök op 't Mestreechs en euver 'n in die daog hendeg populair thema: de nep-kapitein Wilhelm Voigt. 't Waor mier es genoog veur zien sjöld te kinne absolvere. De twiede kemikke opera, bovegeneumde Trijn de Begijn, woort ouch 'n hit. Bij bei stökker verzörgde zie broor Gustave Olterdissen de muziek, dee veural oet arranzjeminte vaan bekinde aria's en (kinder)leedsjes bestoont. Vaanaof 1916 heel heer ziech bezig mèt 't sjrieve vaan columns, ouch op 't Mestreechs.

Bibliografie[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Alphonse_Olterdissen&oldid=357992"