Abt

Van Wikipedia
Gank nao: navigatie, zeuke
Thomas Schoen 1903, OCist.

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


'ne Abt, of abdis veur 'n vrouw in 'n zuusterorde, ies de leider en baas van 'n kloaster of abdij. Hae ies de 'primus inter pares' van 'n kloasterorde, die besjteit oet monnike, broedersj of patersj. Ziene vervenger ies de prior. In zijn werkzaamhede weurt de abt biegesjtange door de raod, eine kleine groep patersj en de prior, die 't dageliks besjtuur van 't kloaster en de gemeinsjap reigele. Bie de benedictienersj weurt de abt door de monnike zelf gekoze.

Saer de 11e ièw haet de abt 't rech um waerdigheidsteikes te drage zoa es 'ne mieter, rink en boorsjkruus. Biej de minderbroedersj weurt de leider gardiaan geneump.

'n Abdis ies de moder-euversjte of de leidster van 'n zuusterorde en de bazin van 'n abdij. Zoan gemeinsjap van vrouwelike religieuze laef ouch meistal in 'n kloaster volges de reigel van de kloasterorde woa zie bie huère.
De abdis haet es waerdigheidsteikes: 'n boorsjkruus, 'ne rink en 'ne sjtaaf. Häör vervengster hèt priorin.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Abt&oldid=347324"