Sjtegel
Dit artikel is gesjreve (of begós) in 't Sjènnes. Laes hie wie v'r mit de versjillende saorte Limburgs ómgaon.
Eine Sjtegel of Sjtiëgel is ein awt Limburgs woord en beteikent 'ne sjmale doorgank, dat 'n houte constructie kèn zin of "drièjpäörtje" (draaipoortje in 't Hollesj). Vreuger zoog me in weilande drièjpäörtjes die tösje versjillende weie sjtónge. In vreuger jaore lepe väöl paedjes nao de kirk door dees weie, en howwe de boere ongerling dees paedjes aafgesjeije middels sjtegele van hun eige good. Eine sjtegel mot neet verward waere mit ein vaeke. Dat is e klein sjarnerend, houte päörtje.
't Woord sjtegel kump waarsjienlik van steg wat sjmale waeg beteikent. 't Vootpaad weurt via eine sjtegel zoa sjmaal gemaak, sóms door 'n krunkelconstructie van houte hèkwerk, dat groater dere, wie ringer, paerd en sjäöp neet dedoor kènne, meh luuj waal. 't Zelfde doel haet de drièsjtegel of tourniquet.