Zwarte Woud
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
't Zwarte Woud (Duits: Schwarzwald) is e diech bebos gebeed en middelgebergte in 't zuidweste vaan Duitsland, gelege in de deilstaot Baden-Württemberg, aon de Rien en aon de Franse grens.
't Is 't groetste middelgebergte in Duitsland. Geologisch is 't verwant aon de Vogeze, die aon de Franse kant vaan de Rien ligke. D'n hoegsten tóp vaan 't Zwarte Woud is de Feldberg mèt 'n huugte vaan 1493 meter bove NAP.
't Zwarte Woud is 't groetste bosgebeed in Duitsland en besteit hoofzakelek oet denne- en sparrebuim. Allewijl is 't Zwarte Woud ein vaan de populairste toeristebestumminge in Duitsland.
De Romeine neumde de berg mèt zien kinmerkende doonker naoldbuim Silva Nigra - "'t Zwarte of Doonker Woud", wat veur hun oonheilspellend en bijnao ondoordringbaar waor. 't Duitse woord Schwarzwald woort veur d'n ierste kier in e documint vaan 't Zwitserse kloester St. Gallen oet 't jaor 868 gebruuk.
'n Bekinde autoroute is de Schwarzwald-Hochstraße, B 500 en de Uhrenstraße. 't Zwarte Woud is wereldwied bekind door de sprookjes vaan de gebreurs Grimm.
Inhawd |
Geografie [bewirk]
Plaotse [bewirk]
Mere [bewirk]
't Gief versjeie mere in 't Zwarte Woud:
- Titisee
- Glaswaldsee
- Mummelsee
- Kirnbergsee
- Feldsee
- Schluchsee
- Hotzenwald
Lies vaan de hoegste tóppe [bewirk]
- Feldberg (1493 m)
- Herzogenhorn (1415 m)
- Belchen (1414 m)
- Schauinsland (1284 m)
- Kandel (1243 m)
- Hornisgrinde (1164 m)
Trivia [bewirk]
- De Schwarzwälder Kirschtorte is 'n bekinde toert die ziene naom oontlient aon 't Zwarte Woud, allewel heer woersjienelek neet in 't Zwarte Woud "oetgevoonde" is.
- Ouch de koekoeksklok is hei bedach.
