That '70s Show

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


That '70s Show, That 70's Show, That 70s Show of That '70's Show is 'ne Amerikaanse tv-serie dee geit euver 'ne zwik tieners aon 't ind vaan de jaore 70. De ierste aoflevering waor (in de VS) op 23 augustus 1998 en de lèste aoflevering woort oetgezonde op 18 mei 2006. Hei mèt is 't d'n einigste sitcom vaan televisiezender Fox dee 't seizoen 1998/1999 heet 'euverleef'. Mèt perceis 200 aofleveringe en 8 sezoene is 't ouch in totaal de op drei nao langste sitcom vaan Fox, nao The Simpsons, King of the Hill en Married with Children. De ierste aoflevering späölt ziech aof op 17 mei 1976, hei mèt is 't tiedsversjèl tösse de fictieve tied vaan de ierste aoflevering en d'n tied vaan oetzending vaan de lèste, op einen daag nao, zjus dertig jaor. De serie weurt in Limburg oetgezonde op Comedy Central en woort ieder al oetgezonde door Yorin. Inmiddels zien alle ach seizoene in Nederland oet op dvd.

Personages[bewirk | brontekst bewerken]

De serie drejt um zes tieners die opgreuje in Point Place, 'n neet bestaonde stad in Wisconsin ('n Amerikaanse staot in 't noorde vaan 't Midde-weste), naomelek:

Fez ziene naam is aofgeleid vaan Foreign Exchange Student (oetwisselingsstudent). Zienen echte naom is neet perceis bekind. In 'n aoflevering weurt ziene naom geneump mer tegeliekertied klink de sjaolbel zoetot ziene naom neet te hure is, Valderrama (de acteur) neumde toen eigelek de naome vaan de aandere acteurs op. Oet wat veur land heer perceis aofkomsteg is, weurt in de serie mèt opzat neet dudelek gemaak, es running-gag gebäört ummer get es heer 't perbeert te vertèlle.

Ouch de awwers vaan Eric speule 'ne groete rol in de serie. Ziene pap, Red Forman is 'ne oorlogsveteraon dee neet kin wachte tot ziene zoon de deur oet geit, umtot Eric in zien ouge 'ne "Dumbass" is, aon de aandere kant kin Erics dellerege zuster Laurie Forman in pap zien ouge niks verkierd doen. Ouch goejt heer dèks met 'ne kleurrieke variant vaan "iemes oonder zien koont stampe" ("You morons just hung a vacancy sign on your asses and my foot's looking for a room!" -Afl. 8.1, Bohemian Rhapsody). Zien mam, Kitty Forman is hoesvrouw en verpleegster in 't hospitaol. Dao neve kump zie haafweegs de serie in d'n euvergaank wat veur nog mie hilarische situaties zörg. Weier zien de bure vaan Eric (dit zien de pap en mam vaan Donna), Bob en Midge Pinciotti, ouch twie belaankrieke persoene in de serie. Midge verliet de serie nao sezoen 3 en is later nog in get aofleveringe te zien in sezoen 6 en 7.

Cast[bewirk | brontekst bewerken]

Acteur/Actrice Personage Gecrediteerde jaore (es hoofpersonage)
Topher Grace Eric Forman 1998–2005, 20061
Laura Prepon Donna Pinciotti 1998–2006
Danny Masterson Steven Hyde 1998–2006
Mila Kunis Jackie Burkhart 1998–2006
Ashton Kutcher Michael Kelso 1998–2005, 20062
Wilmer Valderrama Fez 1998–2006
Kurtwood Smith Red Forman 1998–2006
Debra Jo Rupp Kitty Forman 1998–2006
Don Stark Bob Pinciotti 1998–2006
Tanya Roberts Midge Pinciotti 1998–2001
Lisa Robin Kelly Laurie Forman 1998–20033
Christina Moore Laurie Forman 2003-20044
Tommy Chong Leo Chingkwake 2001–2002, 2005–20065
Josh Meyers Randy Pearson 2005–20066
  • 1. Neet gecrediteerde versjijning in de lèste aoflevering
  • 2. Trökkierende rol, sezoen ach
  • 3. Trökkierende rol, sezoene ein tot vijf
  • 4. Trökkierende rol (zès aofleveringe), sezoen zès
  • 5. Trökkierende rol, sezoene twie, drei en zeve
  • 6. Versjijnt neet in aoflevering ein vaan sezoen ach, kierde eve trök in aoflevering twie, deech mèt in 't openingsfilmpke vaanaof aoflevering 3
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=That_%2770s_Show&oldid=341392"