Râmnicu Vâlcea
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Râmnicu Vâlcea of Rîmnicu Vîlcea (oetspraok: [rɨm.ni.ku 'vɨl.ʧěa], ruumniekoe'vuultsjèá) is de höidstad van de provincie Vâlcea in Roemenië en haet 'n bevólking van 107.656 luuj (2000). Vruueger waerdje Râmnicu Vâlcea gespeldj es Rîmnicu Vîlcea. De oetspraok bleef 'tzelfdje wen de naam verangerdj waerdje. De stad lègk aan 't ènj van 't Olt-daal. De Olt is 'n groeate ziereveer van de Donau die door Râmnicu Vâlcea ströimp. Râmnicu Vâlcea lègk aan de voot van de Karpate. De stad waerdje al bewoondj door de Daciërs in de ieëwe róndj 't jaor 0. Tiedes de Walachische Revolutie, waerdje 't hujig vólksleed van Roemenië, Deşteaptă-te, române, veur 't ieës gezónge in Râmnicu Vâlcea óp 29 juli 1848.