Paul von Hindenburg
Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.
Paul Ludwig Hans von Beneckendorf und von Hindenburg (Poznań, 2 oktober 1847 – Gut Neudeck (West-Pruisen), 2 augustus 1934) waas de tweede Riekspresident van Duitslandj. Tiedes d'n Eerste Waereldoorlog waas hae van 1916 – 1918 ein van de opperbevelhöbbers van 't Duits leger, in'ne rang van veldmaarsjalk. Hae won ongermeer de Sjlaag biej Tannenberg in 1914. Es tweede riekspresident van'ne Weimarrepubliek benumdje hae in 1933 Adolf Hitler es riekskanseleer.
De bekindje zeppelin Hindenburg dae in 1937 biej 't aanligke aan zien aanligkmas op 't Lakehurst vleegveldj biej New Jersey in brandj vloog wobiej alle 97 inzittendje omkwame waas vernumpdj nao hem. Ouch besjtuitj d'r in 't Noorde es verbinjing tösse 't vastelandj van Schleswig-Holstein en 't eilandj Sylt de Hindenburgdam die geboewtj waerdje in'ne tied det hae regeerdje. De sjtad Zabrze (Silezië in Zuid-Pole) waerdj in 't Duits Hindenburg genumpdj. De keizerlikke Duitse Marine boewdje tiedes de eerste waereldoorlog eine kruutzer dae nao hem vernumpdj waerdje, de SMS Hindenburg.
Eine gebaore militair
[bewirk | brón bewèrke]Paul von Hindenburg waerdje op 2 oktober 1847 gebaore in 't Pruse sjtedje Posen. Zien vader, Robert von Beneckendorff und von Hindenburg, waas eine adellikke Pruse offiseer en ouch grootgrondjbezitter. Zien moder waas aartsdochter Luise (geb. Schwickart). Neet allein door de lokasie van ziene gebaortegrondj, Pruses (Pruisen) sjtong bekindj es militaristies, mer ouch door 't beroep van zien vader, kan gezag waere det Paul von Hindenburg es militair waerdje gebaore. In eder geval waas ein militair loupbaan vanoet dees situatie neet onwaarsjienlik. Van 1859 tot 1866 volgdje von Hindenburg de Cadettesjool in Wahlstatt, det taegewoordig Legnickie Pole hétj en in Pole ligktj. Toendertied loog dit gebied in Duitslandj en veel onger 't gebied Liegnitz. Op de Cadettesjool waerdje de cadette ingewiejdj inne militair cultuur. Ze leerdje militairweitensjappelikke zake en technische vaardigheje die good van pas zoewe komme in ein officiersfunctie. Ouch 't lere van sjtrategieje en oorlogsgesjiedenis maakdje deil oet van 't vakkepakket van eine cadet. Door dit alles waerdje Paul von Hindenburg sjteeds meer veurbereid op 't beroep van militair, dat van groot belang is gewaes veur de res van ziejn laeve.
Nao zien opleiding: oorlog
[bewirk | brón bewèrke]Nao zien opleiding aanne cadettesjool in Wahlstatt, veel Hindenburg geliek mit zien naas inne militair botter. Mit anger wäörd, hae kos geliek zien militair vaardighede toepasse. Dit kos hae doon es luitenant van 't 3de Garde regiment te voot inne Duitse oorlog in 1866. Deze oorlog weurdj ouch waal de Pruus - Oosteriekse oorlog genumpdj en haaj es doel om door verovering zoväöl meugelik Duitse deilsjtaote te laote samesjmulte toet een groot Duits riek. Hindenburg noom in deze oorlog, dae ongeveer 1 jaor doerdje, deil aanne sjlaag van Königgrätz (Hradec Králové in 't Tsjechisch). Nao deze oorlog volgdje d'r in 1870, dus ongeveer 4 jaor later, eine volgendje oorlog. Det waas de Duits - Franse oorlog. Tiedes deze oorlog, dae doerdje van 1870 toet 1871, noom Hindenburg deil aanne sjlaag van Sedan. Es aafgezant van zien garderegiment woondje hae de keizerproclemasie biej die inne Sjpegelzaal van 't kesjteel van Versaille waerdje gehaje.