Noorderbrögk (Mestreech)

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.



Dit artikel geit euver 'n doorgaonde gebäörtenis
D'n inhawd van dit artikel kan naovenant gauw verangere en kan mesjiens neet gans mie kloppe mit de lèste óntwikkelinge.


De aw Noorderbrögk

De Noorderbrögk is 'n verkiersbrögk in 't noorde vaan Mestreech. Ze euverspant de Maos en woort in 1984 geopend. De brögk is oonderdeil vaan de Randweeg-Noord en verbint de Viadukweeg en de A2 op d'n oosteleke kant mèt de Frontesingel op de westeleke. Ze heet twie rijstroke vaan oos nao wes en drei vaan wes nao oos. De verkiersintensiteit is 50.000 oto's per etmaol. Neve 't otoweeggedeilte gief 't ouch nog e vrijligkend fiets- en vootpaad. Aon de weskant vaan de brögk zien op- en aofritte nao de Bosserweeg. Bis veur kort had de aofrit nao de Bosserweeg 'nen opvallende boch vaan 360 graode. De totaal lengde vaan de brögk is 1.000 meter.

Touwkoms[bewirk | brón bewèrke]

Veur de touwkoms weure inkel belaankrieke aonpassinge aon de brögk veurzeen. Centraol steit de verbetering vaan de doorstruiming vaan 't verkier nao 't Belsj (oonder aandere nao de dörpe Laoneke en Smeermaos) en in de stad zelf. In 2015 begóste de ierste veurbereidende wèrkzaomhede. D'n officiële start vaan de wèrkzaomhede volgde op 13 oktober 2016. Op 15 augustus 2017 woort e 180 meter laank brögkdeil op zien plaots gezat.[1] De weeg euver 't brögkdèk zal drei rijstroke in bei riechtinge höbbe. 't Nui trajek zal neet mie aonslete op de Frontesingel, meh op de nuie Fort Willemweeg, inkel hoonderde meters noordeleker. Dees wèrkzaomhede zalle weure gecombineerd mèt de herinriechting vaan de wieke Belvédère en Bosserveld. De aw aonlanding die aonslut op de Frontesingel zal nao verwachting begin 2018 weure gesloop. De nuie op- en aofritte zalle daan weure opgelieverd. 't Ganse projek zal ind 2018 veerdeg zien.

Rifferenties[bewirk | brón bewèrke]

Dit artikel baseert ziech op 't corresponderend artikel op de Wegenwiki. Ouch is gebruukgemaak vaan de website Noorderbrugmaastricht.nl.

  1. 1limburg.nl - Nieuwe Noorderbrug dinsdag op zijn plek gezet