Maon (satelliet)
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
'n Maon of natuurleke maon of natuurleke satelliet is 'n hiemelliechaam wat roond 'n planeet of planetoïde drejt.
Zoe is de Maon de einige echte natuurleke maon van de Eerd. In 't normaal spraokgebruuk weurt miestal korteweg euver 'maon' of 'maone' gesproke.
Herdermaone zien maone die door hun zwuurtekrach de stöbdeilkes vaan 'ne planetaire rink bijein hawwe.
Objekte die in 'n hoofiezervörmege baon 'roond' 'n planeet drejje (zowie Cruithne) weure neet es echte maone gezeen.
Begin 2007 zien de volgende aontalle maone bij de planete in eus zonnestèlsel bekind: Eerd 1, Mars 2, Jupiter 63, Saturnus 56, Uranus 27, Neptunus 13, Pluto 3, Haumea 2 en Eris 1. In totaal dus 166 maone. 't Aontal maone bij planetoïden bedreug 88 (woevaan oongeveer de hèlf nog bevesteg moot weure).