Mannekoar Geulklank
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Mannekoar Geulklank ies 'n mannekoar in Valkeberg dat ies opgeriech op 18 september 1950 door inkele jóngluuj van Boete de Paort, door o.a. de hière van Kan, Loozen, Meurders, Steynebrugh en de toen 18-jäorige Wiel Odekerken es dirigent. In 1998 naom Peter Hensgens 't dirigeersjtekske euver, dae dat in 2000 weer euvergoof aan Arno Kerkhof. Saer 2012 ies Nic Hermans dirigent van Geulklank. De vaste pianobegeleiding woort decennialangk verzörg door Piet Bours.
In 1980, 1995 en 2006 haet Geulklank muzieksjtukker vasgelag op geluidsdragers. Jaorlijks nömp Geulklank deil aan o.a. 't 3x bedank-concert in de Polfermeule in Valkeberg. Daoneve organiseert Geulklank elk jaor "'t Knoetsse". Ouch 't Keersjkonzaer en de Mès op Twiède Keersjdaag in Valkeberg behuère tot de vaste tradities van 't koar.