Mail Transfer Agent

Van Wikipedia
(Doorverweze van Mail transfer agent)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


'ne Mail transfer agent of MTA (ouch wel 'ne mail transport agent, mail server, of mail exchange server geneump in de cónteks vaan 't Domain Name System) is e computerprogram of software agent wat elektronische mail-beriechte verplaots vaan d'n eine computer nao d'n aandere.

't Oontvingk beriechte vaan aander MTA's (dat neump me relaying), 'ne mail submission agent (MSA) dat zie beriech weer heet oontvaange vaan 'ne mail user agent (MUA), of direk vaan 'ne MUA (en dus deit d'n MTA daan of heer 'ne MSA is). D'n MTA wèrk op d'n achtergroond, wijl de gebruker mèt 'ne MUA wèrk.

't Aoflevere vaan 'nen e-mail in de mailbox vaan 'ne gebruker weurt gemeinelek gedoon door 'ne mail delivery agent (MDA). De mieste MTA's höbbe wel MDA functionaliteit ingebouwd, meh gemeinelek weurt 'ne echte MDA wie procmail daoveur gebruuk.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mail_Transfer_Agent&oldid=415192"