Krakau
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Kraków 
Kraków of Krakau (Duits) is de op twie nao groetste stad vaan Pole en ein vaan de ajdste. In 2014 woende dao 759.144. Ze ligk aon de Wisła rivier in de regio Mało-Polska. De stad is gestiech in de 7e iew nao Christus, en waor de hoofstad vaan Pole tösse 1038 en 1596. Tösse 1846 en 1918 waor ze de hoofstad vaan 't Groethertogdom vaan Kraków.
Kraków weurt gezeen es ein vaan de veurnaomste centra vaan de Poolse wetesjappelijke, kulturele en artistieke utinge. De stad is ein vaan de mies veurnaome toeristische plaotse in Pole (7 miljoen bezeukers per jaor). Bekinde trèkpleisters zien de Groete Mèrret mèt de St. Maria Basiliek, 't Wawel Kestiel, en de reste vaan de middeliewse stadsumwalling: de Barbican mèt de St. Florian Poort. 't Historische centrum vaan Kraków is sinds 1978 oonderdeil vaan de UNESCO Wereldheritaasjlies, same met de aw Joedse wiek Kazimierz.
Andrzej Duda, de Poolse prizzedènt, waor gebore in Krakau.
