Experimint vaan Griffith

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Het Experimint vaan Griffith, wat woort oetgevoerd in 1928 door Frederick Griffith, waor ein vaan de ierste experiminte wat suggereerde tot bacterië de meugelekheid höbbe tot 't euverdrage vaan genetische informatie via 'n proces wat transformatie hèt.^[1]^[2]

Griffith gebruukde twie stamme vaan Pneumokokke, 'n type III-S (smooth, glad) en 'n type II-R (rough, groof) stam, en infecteerde dao muis mèt. De III-S stam umhult ziechzelf mèt 'n polysacharide capsule wat 'm besjermp tege 't immuunsysteem van de gashier, resulterend in de doed vaan de gashier, dewijl de II-R stam gein besjermende capsule heet en verslage weurt door 't immuunsysteem vaan de gashier.

In 't experimint woorte bacterië vaan de III-S stam doed gemaak via hitte, en de reste devaan woorte touwgeveug aon de II-R stam bacterië. Dewijl eder apaart de muis niks kós doen, waor de kombinatie wel in staot um de gashier doed te make. Griffith waor ouch in staot zoewel levende II-R stamme es levende III-S stamme vaan pneumokokke te isolere oet 't blood vaan de doej muis. Griffith concludeerde tot 't type II-R "getransformeerd" waor in de duujeleke III-S stam door 'n "transformatie principe" wat op ein of aander meneer deil woar vaan de doej III-S stam bacterie.

Allewijl wete v'r tot 't "transformatie principe" wat Griffith observeerde 't DNA vaan de III-S stam bacterie waor. Dewijl de bacterie doed waor gemaak, had 't DNA 't verhittingsproces euverleef en waor 't opgenome in de II-R stam bacterie. 't III-S stam DNA bevat de gene die de besjermende polysacharide capsule vörmp. Oetgerös mèt dees gene waore de II-R stam bacterië noe besjermp tege 't immuunsysteem vaan de gashier en kóste de gashier doed make. De exacte aard vaan 't transformatie principe (DNA) is bevestig in de experiminte die door Avery, McLeod en McCarty en door Hershey en Chase zien gedoon.

Zuuch ouch

Referenties

↑ Lorenz MG, Wackernagel W (1994). "Bacterial gene transfer by natural genetic transformation in the environment". Microbiol. Rev. 58 (3): 563–602. PMID 7968924, http://www.pubmedcentral.nih.gov/articlerender.fcgi?tool=pubmed&pubmedid=7968924.
↑ Downie AW (1972). "Pneumococcal transformation--a backward view. Fourth Griffith Memorial Lecture". J. Gen. Microbiol. 73 (1): 1–11. PMID 4143929.

Avery, MacLeod, and McCarty (1944). "Studies on the Chemical Nature of the Substance Inducing Transformation of Pneumococcal Types: Induction of Transformation by a Desoxyribonucleic Acid Fraction Isolated from Pneumococcus Type III". Journal of Experimental Medicine 79 (1): 137–58. doi:10.1084/jem.79.2.137.

(Refereert aon 't origineel experimint door Griffith. Origineel artikel en 35e verjaordag herdrök besjikbaar.)

Daniel Hartl and Elizabeth Jones (2005). Genetics: Analysis of Genes and Genomes, 6th edition. Jones & Bartlett. 854 pages. ISBN 0-7637-1511-5.

[1] Lorenz MG, Wackernagel W (1994). "Bacterial gene transfer by natural genetic transformation in the environment". Microbiol. Rev. 58 (3): 563–602. PMID 7968924, http://www.pubmedcentral.nih.gov/articlerender.fcgi?tool=pubmed&pubmedid=7968924.

[2] Downie AW (1972). "Pneumococcal transformation--a backward view. Fourth Griffith Memorial Lecture". J. Gen. Microbiol. 73 (1): 1–11. PMID 4143929.

[1]

[2]