Zangvereiniging Orphée

Van Wikipedia

Dit artikel is gesjreve (of begós) in 't Houtems. Laes hie wie v'r mit de versjillende saorte Limburgs ómgaon.


Mannekoar Orphée in 1894.

Zangvereiniging Orphée is 'n gemengk koar in Houtem - Sint Gerlach. 't Koar is opgerich es Société d' Orphée, 'n mannekoar, op 1 augustus 1864. 't Lèsgeld bedroog toen 5 Belzje francs per jaor of 1/2 franc per maond (€ 0.20). Euver de periode 1878-1892 weurt gesjreve dat Orphée neet actief waor es vereiniging. 'N oud krantenknipsel lièt zeen dat me in 1878 dringend op zeuk ies nao zengersj umdat Orphée in häör besjtoon bedreig woort. Echter hange d'r waal medailles oet dees periode aan de drapeau van Orphée. Teves weurt in 1915 bie 't sjterve van veurzitter Janssen gesjreve dat hae bienao 'nne hauve ièw actief waor veur Orphée, waodoor neet mèt zekerheid gezag kèn were wat d'r mèt Orphée aan de hand waor tussje 1878 en 1892. Ouch in de Ièrsjte waereldaorlog en in de Twiède waereldaorlog waor d'r wiènig activiteit. In de ièrsjte 85 besjtoonsjaore woort väöl deilgenomme aan concourse en festivals, in Nederland, mèh ouch in Belsj en Duutsjland. In 1968 woort Orphée 'n gemengde zangvereiniging. In de jaore 80 en 90 van de veurige ièw belaefde Orphée opnuuj groate successe, veural bie de concourse in Weert, mèt promotie nao de hoagste aafdeiling. Saer 2014 haet Orphée 'n extra aafdeiling veur jongere tussje 15- en 30 jaor. Veurzitter (president) van 't koar is Mathieu Lahey saer 1997. In 2017 woort Levon Leonard dirigent van Orphée.

Van de honderde lede die Orphée gekènd haet, höbbe allein Theo Voncken, Gerlach Vrancken, Mia Geuskens en Nandy Bielders hun gouwe jubileum gevierd. Zie höbbe daomèt de langste sjtaot van deens bie 't koar.

Zangvereiniging Orphée op concours in Weert in 1986. Orphée won hie de ièrsjte pries in de B-klasse en promoveerde nao de A-klasse.

Keuninklike óndersjeiing[bewirk | brón bewèrke]

Bie gelegenheid van 't 150 jaorig besjtoon haet 't keuning Willem-Alexander behaag um aan Orphée de ièrepenning in zilver toe te kènne vanwege häör verdeenste veur de gemeinsjap. De medaille woort oetgereik door burgemeister Martin Eurlings van de gemeinte Valkeberg aan de Geul.

Oetveuringe[bewirk | brón bewèrke]

Orphée geuf vanaaf 't begin concerte bie kèrmesse, processies, broelofte en mèt de vastelaovend. Zie bringk serenades en zingk eucharistievieringe, zoa-es: de nachmès, 'n dialekmès en diverse huweliksmèsse. Geuf eder jaor 'n kaersjkonzaer. In samewèrking mèt ander koare oet de regio vingk d'r 'ne koaredaag plaats (mèt zangoetveuringe). In 't veurjaor waor d'r veurheen 'n lunchkonzaer. Ouch ande concerte en eucherastievieringe weure nog ummer door Orphée opgeloesterd.

Repertoire[bewirk | brón bewèrke]

Orphée zingk zoawaal klassiek, religieus es profaan. Daonaeve sjtoon ouch gospel, opera, operette, musical, volksleedsjes, dialekleedsjes en énkele populaire leedsjes op häör repertoire. Zie haet 'n speciaal dialekmès mèt de vaste gezange in 't Valkebergs dialek (teks van Annemie Bemelmans-Steynebrugh oet 1993) op muziek van Frans Schubert en saer 1996 't Limburgs volksleed in 't dialek (teks van Els Diederen, veersjtummige bewèrking door Piet Bours).

Links[bewirk | brón bewèrke]

Dirigente en veurzitters van Orphée[bewirk | brón bewèrke]

President/Veurzitter Periode
J.W. Vansintfijt 1864-?, ?-1976
C. Brouwers wnd. ?-?
A. Corneli 1876-1877
Fr. Corneli 1892-1903
Aug. De Nève 1903-1908
Jean Janssen 1908-1915
Jos Geuskens 1915-1942, langste sjtaot van deens
Jan Muyres 1944-1948
Giel Frijns 1948-1961
Hub Silverentand wnd. 1961
Wil Borghans 1961-1974
Frans Borghans 1974-1982
Mia Geuskens-Reynaerts wnd. 1978-1979, wnd. 1991-1997
Abby Coenen 1982-1991
Mathieu Lahey Saer 1997
Direkteur/dirigent Periode
Joh. Smeets 1864-n.b., 1872-1878
Jos. Smeets 1892-1901, 1909-1911
A. Sleypen 1901-1908
J. Frissen 1908
A. Pennartz 1908-1909, 1911-1913
M. Cransveld 1913-1927
J. Coumans 1927-1929
A. Loontjes 1929-1930
P. Heusschen 1930-1931, 1948-1950
L. Neyzen 1931-1940
E. Lodewick 1944-1948
Mathieu Notermans 1950-1965
Gerard Smeets wnd. 1964, 1965-1968
Pierre Beckers 1968-1976
Piet Bours 1977-2017, langste sjtaot van deens
Levon Leonard Saer 2017