Willy Schobben

Van Wikipedia
Naar navigatie springen Naar zoeken springen
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Mestreechs, as te dit dialek sjpriks.

Willy Schobben (ouch: Willie Schobben) (Mesjtreech, 5 september 1915Kirchrao, 25 mieërt 2009 waas 'ne Nederlandse trompettis, compenis, dirigent en arrangeur.

Laevesloup[bewirk | brón bewèrke]

Al op zien zösde sjpeelde hae, óndanks zien zjwake lónge, trompet biej de plaatsjelike hermenie. Hae woort opgeleid aan 't mezieklyceum van Mesjtreech. In 1927 sjpeelde hae biej 't Mestreechs Stedelik Orkes (MSO) de veurluiper van 't Limburgs Symfonie Orkes. In 1941 óntvluchde hae 't bezèt Nederland en verbleef hae ènnige tied in Zjwitserlandj. In dees periood componeerde hae ónger meë zien latere succesnummer Trumpet Tango en sjpeelde hae same mèt organis Pierre Palla en zangeres Vera Lynn.

Vlak nao de Tweëde Waereldoarlog richde hae same mèt Willy Kok, Bep Rowold en Pi Scheffer de band Red, White and Blue Stars op, de veurluiper van de bekènde big band The Skymasters (ouch bekènd es 't: AVRO Dansorkes), wo hae, sins de eësjte repetitie in 1946, de eësjte trompet besjpeelde. Eësjte bandleider waas Willy Kok en per 1 juni 1946 nóm Pi Scheffer de leiding euver en ging de band de naam The Skymasters veure.

Begin jaore vieftig richde de trompettis zien eige orkes op womit hae optrooj in bènne- en boetelandj. Zien groatste succes belaefde hae in 1961 en 1962, toen tweë van zien plate de eësjte plaatsj in de Nederlandse hitparades bereikde, Mexico (9 maonje in de Top-40 en ’n gouwe plaat) en de insjtrumentale versie van Brandend Zand (8 maonje in de Top-40). Hae is leefs 15 keër óngersjeije mèt de Gouwe Trompet. Plate van Willy Schobben woorte waereldwied oetgebrach, in de Verenigde Sjtate ónger meë via 't label Reprise. Meërdere hitsuccesse volgde mèt de singles Ching Ching (Happy José), Heisser Sand en Java. De single Benfica waas opgedrage aan de gelieknamige Portugese voetbalploog die in daen tied de Europacup wón. Willy Schobben reisde de waereld euver veur optraejes, ónger meë in Kopenhage biej 'n televisieshow mèt Bing Crosby, Bob Hope en Betsy Duncan. In eige landj trooj hae op veur keuningin Juliana en de Britse keuningin Elizabeth.

Bie 't WK Sjaatse in Oslo in 1967 verzörgde Willy Schobben op verzeuk van Kees Verkerk 'n sjpeciaal optraeje veur de sjaatskampioen. Hae leverde ouch 'n gasbiedrage op de single Adagio (1968) van De Maskers. Schobben woonde 'ne tied lank in Utrech, mèr verhoesde in 1972 nao Nut en woort dirigent van Harmonie St. Cecilia oet Zöstere. Later, es orkesleijer van Harmonie Beesel, sjpeelde hae meë populair repertoire es 't gebrukelike harmoniegenre. Mèt dit orkes treujt haet hae völ succes op in Nederland en Duutsjlandj (o.a. in 't Grugapark in Essen en de Stadthalle in Mönchengladbach). In de loup van de 1970-er jaore haet hae ouch de leiding euver de harmonieë van Zjwijndrech, Tegele en Nut. Tot in de 1980-er jaore sjpeelt hae zelf dan nog nauweliks op de trompet.

Schobben blif nog tot op hoage laeftied actief in de meziek. Op 84-jaorige laeftijd brink hae nog de cd-album Voice Of The Trumpet oet wo-op 'n mengeling van nuuj en besjtaonde nummers es Pavane In Blue, Spanish Eyes en Danke Schön zint opgenómme. In 2004 arrangeert hae veur orkesleijer Danny Malando nog de trompettango Second Tango. Hae sjpeelde nog dageliks op zien trompet in de plaatsjelike mezieksjtudio van zien woonplaatsj Kirkrao wo hae woonde mèt zien vrouw Lie Grooten.

In 2005 sjtóng Schobben op neugetigjaorige laeftied veur de lètste keer op de bühn veur 'n concert same mèt 'n jubileumorkes vol awdgedeende.

Schobben is Ridder in de Orde van Oranje Nassau. Hae laefde zien lètste jaore in Kirchrao wo hae begin 2009 op 93-jaorige laeftied, nao 'n kort ziekbèd, is gesjtórve.

Compesities[bewirk | brón bewèrke]

Werke veur hermenie- en fanfaarorkes[bewirk | brón bewèrke]

  • Benfica, veur tweë trompette en hermenie- of fanfaarorkes
  • Napoli, veur tweë trompette en hermenie- of fanfaarorkes
  • Trumpet Carnival, veur trompet en hermenie- of fanfaarorkes

Leedjes[bewirk | brón bewèrke]

  • Adios Mexico
  • Auf Wiedersehen Marlene
  • Ballad Of The Trumpet
  • Bolivia
  • Brandend zand
  • Einmal weht der Südwind wieder
  • El Soldado de Levita
  • Happy José (Ching-Ching)
  • Hör Mein Lied, Violetta
  • Los Grand exitos de trompeta
  • Mallorca
  • Meisjes met rode haren
  • Mexico
  • Schrijf me nooit geen mooie brieven meer

Brónne/Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Willy_Schobben&oldid=385272"