Wikipedia:Aantrèkke van nuuj gebroekers

Van Wikipedia
Gank nao: navigatie, zeuke

't Veursjtèl ies um, door middel van instanties die ziech mèt 't Limburgs bezighouwte, al veurdat veer de doezend artikele bereik höbbe nuuj gebroekersj aan te trèkke, bie veurkeur van boete Zuud-Limburg. Op dees pagina kènne veer biehouwte wat d'r gedoon moet were en wat al gedoon ies.

Te óndernumme acties[brón bewèrke]

Instanties die veer zouwe kènne contactere[brón bewèrke]

Ik heb vanaovend 9-5-07 met de veurzitter Veldeke Kringk Venlo gespraoke euver de Limburgse Wiki. Der wuuërd op korte termien aandach aan Wikipedia bestaejd én men geit bekièke of en welke beejdrages geleverd kinne gaon waere!.--Nappes 10 mei 2007 00:16 (CEST)

Nao dees instanties te sjture persberiech[brón bewèrke]

Persberiech veur Veldeke-tiedsjrief (versjtuurd 27 mei 2005)[brón bewèrke]

Limburgse Wikipedia, de vriej encyclopedie op internet

Wieniè me get wilt opzeuke op internet maak me allewiel ummer miè gebroek van Wikipedia, 'n gratis encyclopedie die vrie van auteursjrechte ies. Ederein kènt hie informatie opzeuke, meh ouch zelf toevoge of wiezige. ’t Doel van Wikipedia ies um mèt vriewilligersj in samewèrking in eder taal 'n complete en rechtevriej encyclopedie te sjrieve. De ièrsjte Wikipedia waor de Ingelsjtalige versie. Dees ies begoes op 15 januari 2001 en haet allewiel miè es 570.000 artikele. In totaal zint d’r encyclopedieë in miè es 180 tale.

Saer september 2004 ies d'r ouch 'n Limburgse Wikipedia, te vinge op http://li.wikipedia.org. De ièrsjte echte artikele zint van december van dat jaor. Ze ies óndertösje oetgegreujd tot miè es 700 artikele op diet moment. ‘n Aantal lemma’s ies nog in de opboewfase en d’r zint nog ‘ne houp ónderwerpe ónbesjreve. Meh de Limburgse Wikipedia haet de potentie um ’n ech Limburgstalig naosjlaagwerk te were. Um diet te bereike ies ’t projek op zeuk nao luuj die wille mètsjrieve aan dees encyclopedie in ’t plat.