Naar inhoud springen

Verdraag vaan Amsterdam

Van Wikipedia
Geweze Lidstaote vaan de EU oonder 't Verdraag vaan Amsterdam en 't later Verdraag vaan Nice

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


't Verdraag vaan Amsterdam woort in 1997 geslote door de lidstaote vaan de Europese Unie. 't Bepaolt wijzeginge aon de bepaolinge vaan 't Verdraag vaan Mestreech wat de Europese Unie in 1992 heet opgeriech ('t centraol EU-Verdraag vaan deen tied). Alle 15 geweze EU-lidstaote naome deil aon de oonderhandelinge. Nao 't bereike vaan 'n euvereinkoms woort de euvereinkoms door de regeringsleiers oonderteikend tiejes d'n Eurotóp in Amsterdam op 2 oktober 1997. 't Verdraag trooj op 1 mei 1999 in wèrking, nao ratificatie door alle lidstaote.

't Verdraag vereinvawwegde besluutvörming door mie gebruuk vaan gekwalificeerde mierderheidsstumming, versterkde 't Gemeinsjappelek Boetelands en Veilegheidsbeleid door 'n Hoeg Otoriteit op te riechte, en brach de bevooghede vaan Zjustitie en Binnelandse Zake euver aon bovenationaol instansies, die soevereiniteitseuverdrach vereisde. Schengen-euvereinkomste woorte opgenome in de EU-verdrage; tot noe stoonde de Schengen-verdrage en de EU formeel los vaan mekaar. 't EG-Verdraag ('t Fusieverdraag en 't Verdraag vaan Roeme) en 't EU-Verdraag ('t Verdraag vaan Mestreech) woorte ouch herzeen en genummerd, mit geconsolideerde versies touwgeveug, zoetot 't klaorder woort welk verdraag euver welk deil vaan de Unie geit.

't Verdraag woort door väöl lui gezeen es 't optimaol compromis wat de lidstaote mit hun versjillende integrasiewunse kooste bereike. Mer neve de veurdeile en wijer oontwikkelinge die 't Verdraag tot stand brachde veur 'n intensificatie vaan de samewèrking, goof 't ouch kritiek. Vaanoet 'n historisch perspectief zien de regeringe d'r neet in geslaag um de Europese Unie beslissender te make en zien d'r neet in geslaag d'rveur te zörge tot de Unie kin weure oetgebreid. De veurbereiinge en d'n oetkoms bleek tot 't gein echte consensus gief euver 't buut vaan Europese integratie en de richting boe-in de Unie zouw motte bewege. Väöl lui maakde ziech zörg tot de aafsjtand tot de börgers in de lidstaote te groet koos were.

't Verdraag vaan Amsterdam weurt door väöl historici neet gezeen es eve belaangriek en constitutioneel es 't Verdraag vaan Mestreech en 't later Verdraag vaan Lissabon oet 2007. Dat lèstgeneumde verdraag zou gaon wèrke es e gans nui constitutioneel verdraag, es e soort vaan groondwèt. Mie es 't Verdraag vaan Amsterdam zou dat vaan Lissabon 't fundamint vaan de allewijl Europese Unie vaslègke.

1948 1952 1958 1967 1987 1993 1999 2003 2009 2011
Verdraag vaan Breusel Verdrage vaan Paries Verdraag vaan Roeme Fusieverdraag Europese Ak Verdraag vaan Mestreech Verdraag vaan Amsterdam Verdraag vaan Nice Verdraag vaan Lissabon
Europese Gemeinsjap veur Kole en Staol (EGKS)
Europese Gemeinsjap veur Atoomenergie (EURATOM)
Europese Economische Gemeinsjap (EEG)
P

Ä

Ö

L
Europese Gemeinsjap (EG) Europese Unie (EU)
↑Europees Gemeinsjappe↑ Zjustitie en Binnenlands Affaires (ZBZ)
Politiëel en zjustitiëel samewèrking in straofzake (PZSS)
Europees Polletiek Samewèrking (EPS) Gemeinsjappelek boeteland- en veilegheidpolletiek (GBVP)
Wes-Europese Unie (WEU)