Veldeke-Verhaolekonkoer
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
't Veldeke-Verhaole-Konkoers is in 't leve gerope in plaats van de Veldeke-literatuurpries in 2015. De aanleiing ies um 't sjrieve in 't Limburgs 'ne nuje impuls te geve. Bie de Literatuurpries sjtong 't wedsjtriedelement veurop, bie 't verhaolekonkoer liek de naodrök op de kwaliteitsverbetering van 't Limburgs literair sjrieve.
Aan de deilnummersj weurt gevraog um ein, nog neet ièrder gepubliceerd, kort verhaol te sjrieve van minimaal 1.000 en maximaal 2.500 weurd, in 'n Limburgs dialek, mèt 'ne herkènbare Limburgse insjlaag.
De zes bèste verhaole were door 'ne jury, besjtaonde oet Pierre Bakkes, Colla Bemelmans en Silvia Weusten geselecteerd en daonao gepubliceerd in ein speciaal oetgaaf van Platbook. Daoneve kriege de sjrieversj 'ne workshop aangebao onder leiding van Benny Lindelauf, woa-in de toegepasde verhaoltechnieke centraal zulle sjtoon.
2015[bewirk | brón bewèrke]
De zes oetgekoze auteursj zint:
- Els Diederen, Valkeberg mèt Druimtuin
- John Hertogh, Zitterd mèt Alles is muigelik
- Wim Kuipers, Mestreech mèt Film ’t waeges
- Koos Neijnens, Wieërt mèt Vör ’t gevâl det
- Marleen Schmitz, Oeësjbik met Anne F.
- Har Sniekers, Toear mèt Absoute
Same mèt 't Veldeke Jaorbook 2016, krege alle Veldeke-lede 'n apaart beukske debie: 'Veldeke Verhoale Katern' mèt alle zès de verhaole d'rin aafgedrök.