Hotel-restaurant Valuas

Van Wikipedia
(Doorverweze van Valuas (hotel))

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


Hotel-restaurant Valuas

Valuas is 'n veer-sterrehotel en restaurant mit brasserie. 't Leejt in 't noorde van de stad Venlo, aan de Maas. De chef-kok is Eric Swaghofen. Saer 2006 haet 't restaurant ein Michelinster. Ein jaor daoveur kreeg 't al van de concurrerende Gault Millau ein score van 16 op 20. De keuke euverwaegend Frans en internasjonaal. Ouk regionaal gerechte en produkte mit beejveurbeeld sperves weure bereid. Restaurant Valuas steit wiejer landelik bekind um de Valuaskrokètte.

't Bedrief is verneump nao de legendarischen Bructerischen houfman Flujas. 't Leejt dan ouk neet wied aaf van de plaats wao Flujas Venlo gestich zouw höbbe. Dat waas op de Lichtenberg, noe 'ne liegen heuvel en 'n sträötje in 't centrum van Venlo.

Extern linke[bewirk | brón bewèrke]