Vètweij

Van Wikipedia

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


'n Vètweij (Nederlands: vetweide) is ’n weij wo de veëhawwer zien sjlachveë, de zoagenaamde masdere, op leët graze. Op dees weij greujt sjpeciaal graas wo de dere gawwer vèt van waere. Ouch waere de dere tiedes ’t graze in de voorbak biegevoord mèt sjpeciaal samegesjtèld voor, zoa es extra huij en krachvoor. Dit alles óm ze sjnel vèt te mèste veur de sjlach.

’t Wirkwoord is vètweije en ’t veë dat op de vètweij wirt gezat neump me vètweijersj.

Gezègkdes[bewirk | brón bewèrke]

  • Es vreuger emes (meistal ein kèndj of ein jónk vroumesj) te mager woort gevónje dan zei me dèks "dat kèndj mót de vètweij op". Hiej waas dan alles mèt gezag en jederein wis dan dat me bedoelde dat ’t kèndj te mager waas.
  • Es me emes té sjlim vèndj en daoróm gaer van 'm aaf is, wirt ouch waal gezag "doe bes väöl te sjlum, doe mós de vètweij op"
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vètweij&oldid=371761"