Trompe-l'oeil

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


Trompe l’œil es gesjilderde koepel van Andrea Pozzo in de Jezuïetekirk van Wene (Oasteriek).
Óntsjnappe aan kritiek, door Pere Borrell del Caso, 1874

Trompe-l'oeil is 'n sjildertechniek die bedreeglik realistisch aandeit. 't Woord trompe-l'oeil is Frans en beteikent letterlik 'bedreeg 't oag' , of 'gezichsbedrog' .

Toepassinge[bewirk | brontekst bewerken]

Euver 't algemein wirt 't in sjtillaeves toegepast, mèr ouch in moersjilderinge, óm biejveurbeeld de echte aanwezigheid van pilaere of sjtandbeelde te suggerere. In plefónjsjilderinge kènt mèt dees techniek gesuggereerd waere, dat d'r biejveurbeeld 'ne koepel op de ruumde aanwezig is. Ein sjpecifieke vorm van de trompe-l'oeil is de anamorfose.

Door 't heël secuur sjildere van de vorme en veural de sjeem van de veurwerpe wirt ein sjterke illusie bereik. De beleechting mót dan puntjelik euvereinkómme mèt de beleechting, die van nature in de ruumde aanwezig is. Waarsjienlik zal 't sjildere van biejveurbeeld nepzule es versering goodkouper zeen gewaes es 't aanbrènge van feitelik marmere zule.

Gesjiedenis[bewirk | brontekst bewerken]

De Remeine gebruukde dees techniek al door op moersjilderinge doorkiekskes, meistal nao 'ne tuin, te sjildere. Veurbeelde hiejvan zint euvergebleve in Pompeii.

In de Renaissance woort de techniek geperfectioneerd, en woort in kloasters, kirke of anger ruumdes dèks ein extra deur of vinster gesuggereerd. Daomit woort de ruumdelikheid vergroat. Wat dit betruf liek de techniek waal wat op 't gebruuk van sjpegels óm ein ruumde groater te laote lieke.

De techniek woort aevel ouch gebruuk veur klein sjtillaeves, biejveurbeeld mèt es óngerwerp memento mori.

Vandaag de daag waere hoezehoag moersjilderinge in trompe-l'oeil gerealiseerd op kaal moervlakke, zoa-es in Cannes. Zaogaar vrachwages waere zoa besjilderd dat me de indrök kriet d'r in te kènne kieke.

Sjilders[bewirk | brontekst bewerken]

In trompe-l'oeil gesjpecialiseerde sjilders ware:

Ouch Salvador Dalí en (in Nederlandj) Samuel van Hoogstraten ware bedreve in 't genre.

Gallery[bewirk | brontekst bewerken]

Externe link[bewirk | brontekst bewerken]

Brón[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Trompe-l%27oeil&oldid=342330"