Theo Blankenauw

Van Wikipedia
Gank nao: navigatie, zeuke
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Genneps, as te dit dialek sjpriks.

Theodorus Petrus (Theo) Blankenauw (Gennep, 5 september 1923 - Numwaege, 28 augustus 2001) waas eine Nederlandjse fitserenner.

Blankenauw woort in 1947 derde op 't Nederlands kampioensjap Scratch (baanfitserenne). In 1948 woort hae kampioen biej de amateurs op de achtervolging en veerde in de waegwedsjtried individueel. Zien bèste eindjklassering op de waeg behaolde hae ouch in dat jaor door zien derde plaatsj in Gelaen in de Runj van Limburg.

Theo Blankenauw deeg names Nederlandj mit aan de Olympische Sjpele van 1948 in Londe. Hae kaom oet op 't nummer 1 km. individuele tiedrit en de 4 km. plogeachtervolging. 't Nederlands team veur dees plogeachtervolging besjtóng, naeve Blankenauw, oet Henk Faanhof, Joop Harmans en Gerrit Voorting. Zie woorte in de 5e serie oetgesjakeld door Uruquay in de tied van 5.14.7. Op de individuele tiedrit woort Blankenauw twelfde in 1.17.7.

Nao de Sjpele woort Blankenauw professional fitserenner, aevel mèt weinig successe. In 1950 woort Blankenauw nog 31e in de Runj van Nederlandj.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Theo_Blankenauw&oldid=349816"