Tether
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Tether (dèks aongeduid door de muntcode USDT of ‘t tickersymbool ₮) is 'ne stabiele cryptomunt. Dit beteikent dat ederen Tether eveväöl wie einen Amerikaanse dollar gewaardeerd moot zien.
De munt woort in 2014 door Tether Limited Inc. oetgegeve. Tether Limited is eigendom vaan 't in Hong Kong gevestig iFinex Inc., det ouch eigendom is vaan de Bitfinex cryptovaluta-oetwèsseling.
Controverse
[bewirk | brón bewèrke]D’r zien twiefels gewees euver of Tether Inc werkelek geldreserves heet um de bestaonde Tether-tokens te dekke. Es Tether zouw instorte, veurspelle väöl lui dat de cryptovaluta-merret veur versjillende aander valuta’s ouch zouw instorte.[1][2] Tether is ouch besjöldeg vaan bande mit ‘t Venezolaanse regime vaan Nicolás Maduro.[3]
Op 20 november 2018 meldde Bloomberg dat Amerikaanse aonklagers oonderzeukde of Tether zien reserves gebruukde um de pries vaan Bitcoin te manipulere.[4]
Op 25 oktober 2024 woort oetgelag dat d'n Amerikaonse procureur-generaol 't bedrief oonderzeukde veur witwasse en sanctie-euvertrejjinge.[5]
Referensies
[bewirk | brón bewèrke]- ↑ Why Crypto Traders Are So Worried About Tether: QuickTake Q&A Bloomberg
- ↑ Crypto collapse intensifies as stablecoin Tether slides below dollar peg Reuters
- ↑ Maduro’s Crypto-Backed Oil Deals Put Tether at Center of Venezuela Money Drama Wall Street Journal
- ↑ Bitcoin-Rigging Criminal Probe Focused on Tie to Tether Bloomberg
- ↑ Amerikaans OM onderzoekt cryptobedrijf Tether fd.nl