Tejsliemgekrenkdje

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


    Lèt good op 't veurbehawd bie medische informatie.
Gank bie gezóndjheidsklachte nao 'nen hoesdokter.

Tejsliemgekrenkdje, cystische fibroos, mucoviscidoos of fibrosis cystica is 'n recessief euverirfbaar gekrenkdje, wobie sliem det op versjillige plaatsen in 't lief wuuertj aafgesjeien abnormaal tej is. De wichtigste plaatse wo 't tej sliem wuuertj gevörmp zeen de lónge, 't maag-dermkenaal, de laever, d'n alvleiskleer enne teelbel.

De symptome kónne zich al tiejes de zugelinglaeftied manifestere, meistes door greujachterstandj en chronische lóchwaeginfecties. Veural dore lóchwaeginfecties höbbe partiënten 'n dudelik geringer laevesverwachtig es normaal. De verminderdje perduksje van alvleiskleerenzyme veroearzaak daobie 'ne vertraogdje greuj, 'ne vittigen diarree en e tekórt aan vèt-oplosbaar vitamine. Bie jónges kan ónvröchbaarheid optraeje; bie pasgebaorene is döks spraok van stofwusselingsstuuernis (meconiumileus).

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Tejsliemgekrenkdje&oldid=394721"