Studio Vandersteen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Studio Vandersteen is 'nen teikestudio opgeriech door de Belzje stripteikeneer Willy Vandersteen um häöm bij 't werk aon zien stripverhaole te assistere. De studio naom door de jaore heer zien werk euver en is dao ouch nao d'n doed vaan d'n teikeneer mèt doorgegaange.

Historie

Al hiel vreug begós Willy Vandersteen lui um ziech heer te verzaomele um 'm te helpe bij 't teikene vaan Suske en Wiske en aander stripverhaole. Zien vrouw holp 'm beveurbeeld mèt inkte. François Joseph Herman kaom in 1949 es eine vaan de ierste formeel bij Vandersteen es inkter in deens. In de loup vaan de jaore viefteg gónge ouch lui wie Karel Verschuere en Karel Boumans Vandersteen assistere. Ze woorte in de regel aon 't werk gezat in nevereekse wie De grappen van Lambik, De rode ridder, Bessy of Karl May.

In 1959 riechde Vandersteen ziene studio formeel op. Dit deeg heer in ziene villa in Kalmthout-Heide, boe heer daoveur de ruimte had. 't Oontstoon vaan nui nevereekse wie Jerom, Biggles en Safari maakde tot Vandersteen dit oonmeugelek mie allein aofkós. Ummer mie góng heer ziech beperke tot de scenario's en 't illementair teikewerk; de oetwerking, 't inkte en 't inkleure leet heer aon assistente euver. Vaan lieverlee gónge zien assistente ziech ouch mèt 't creatief werk inlaote. Zoe naom Paul Geerts in 1972 Suske en Wiske euver, al zouw heer nog jaorelaank ghostwriter blieve en zouw Vandersteen ziene naom debove blieve stoon. Vandersteen zelf riechde ziech noe op weer nui reekse, wie Pats (later Tits), De Geuzen en Robert en Bertrand.

Vandersteen tot zien series ouch nao zienen doed woorte voortgezat, en leet daorum de lui vaan ziene studio ummer mie de vrij hand. Vaan lieverlee gónge ze ouch zelf series bedinke, wie de cartoonserie Schanulleke. Nao d'n doed vaan Vandersteen (in 1990) góng 't werk aon de series door, ouch wie in 1997 in/bij dit pand 't Suske en Wiske Museum kaom.

Mètwerkers

De volgende artieste höbbe sinds 1959 gewèrk veur Studio Vandersteen:

Eduard De Rop (1959-1983), teikeneer en inkter
Frank Sels (?-1966), teikeneer en inkter, De Rode Ridder
Eugeen Goossens (1965-1990), Bessy, De familie Snoek, Jerom, Karl May, De Rode Ridder en Suske en Wiske
Daniël Jansens (1967-1973), scenaris Bessy
Paul Geerts (1968-2002), Suske en Wiske (vaan 1973-2002 es ierste teikeneer), Jerom (1968-1970)
Karel Biddeloo (1968-2004), De Rode Ridder (1969-2004)
Jeff Broeckx, Bessy Natuurkommando, Junior Suske en Wiske
Robert Merhottein (Merho) (1970-1976), mètwerker Jerom en Pats
Ron Van Riet (1970-1992), teikeneer veur Bessy (1970-1984) en Robert en Bertrand (1984-1992)
Eric De Rop (1970-2015), inkter Suske en Wiske, Jerom, Bessy, De Geuzen, teikeneer Schanulleke
Hilde Costermans (1966-1976)
Rita Bernaers (1971-2006), inkleurster vaan Suske en Wiske
Walter Laureysens (Walterell)
Patty Klein (1973-?), oonder mie scenaris vaan Schanulleke
Jacky Pals (jaore '70), scenaris, mètwerker Bessy en Jerom
Liliane Govers (1980-2002), administratie en correspondentie, lèttereer en inkter vaan Suske en Wiske
Marc Verhaegen (1988-2005), Suske en Wiske (2002-2005 es hoofteikeneer, daoveur al belaankrieken assistent Paul Geerts)
Erik Meynen (2001-?), scenaris veur Suske en Wiske
Walter Van Gasse (2002-2006), teikeneer vaan Suske en Wiske
Tom Wilequet (2002-), officemanager, dtp-opmaak
Bruno De Roover (2003-?), Suske en Wiske
Peter Quirijnen (2003-2013), oetwèrke achtergrun Suske en Wiske
Peter Van Gucht (2003-), ierste scenaris Suske en Wiske (2005-)
Luc Morjaeu (2005-2023), ierste teikeneer Suske en Wiske (2005-2023)
Charel Cambré (2005-2007), teikeneer Suske en Wiske
Dirk Stallaert (2006-?), teikeneer Suske en Wiske
Isabelle Van Laerhoven (2006-?), inkleurster Suske en Wiske
Sabine De Meyer (2006-), inkleurster De grappen van Lambik en Suske en Wiske
Patrick van Lierde, teikeneer
Christian Verhaeghe (2013-), Suske en Wiske
Wout Schoonis (2007-), Suske en Wiske (sinds 2023 hoofteikeneer, daoveur al oetwèrke en inkte)
Thijs Wessels (2019-), inkte Suske en Wiske

Bron

Dit artikel is gebaseerd op 't corresponderend Nederlandstaoleg artikel, en wel in dees versie.

Extern links

officieel website