Stumhöbbendje palatale plosief

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


De stumhöbbendje palatale plosief of stumhöbbendje palataal ploefklank is 'ne mitklinker dae inne sómmige gespraoke tale veurkump. 't Symboeal det bie 't Internationaal Fonetisch Alfabet gebroek wuuertj is [ɟ].

Kènmirke[bewirk | brón bewèrke]

Kènmirke vanne stumhöbbendje palatale plosief zeen:

  • De meneer van oetspraok is occlusief, det mèntj det ze wuuertj gemaak doordet de lóchstroum in 't spraokkenaal wuuertj toegepaotj. Ómdet deze mitklinker ouch oraal is, sónger broek van 'nen oetgank inne naas, wuuertj de lóchstroum gans geblokkeerdj en is t'r 'ne plosief;
  • De oetspraokplaats is palataal, det inhèltj det t'r wuuertj oetgespraoke door 't middelste vanne tóng of 't bakdeil daovan op te duje nao 't hel verhieëmeldje;
  • De artikulaasje is stumhöbbendj, waat mèntj det de stumbenj trille bieje oetspraok;
  • Ze is 'nen orale mitklinker, waat mèntj det de lóch allein dore móndj eweg kan kómme;
  • Ze is 'ne centrale mitklinker, waat inhèltj det ze wuuertj gemaak dore lóchstroum euvere midde vanne tóng te leien inplaats langs de ziejkantje;
  • 't Lóchstroummechanisme is pulmonisch, det mèntj det de klank wuuertj gemaak door lóch die allein dore lónge en 't middereef wuuertj geduujdj, wie bieje meiste klenk.

Limbörgs[bewirk | brón bewèrke]

In 't Limbörgs kump de stumloeazen alveolaire plosief in bepirkdje maot veur, veurnamelik in dialekte mit mouillering.

In veurkleinwäörd sjrief me döks nao 'ne stumhöbbendjen alveolaire kónteks inne gróndjvorm -ndje (wie in bendje); dit sprèk me aevel stumloeas oet.

In 't Limbörgs kump de stumhöbbendje palatale plosief allein veur inne midde van wäörd; anen ènj is t'r stumloeas gewaore door auslautverhärtung. Waal guuef 't e klein aantaal aan lieënwäörd die aanvange mit 'ne stumhöbbendje palatale plosief.

Oetspraok nao posiesje
posiesje IPA spèlling
begin [ɟɪ̀n] djinn
tösse twieë klinkers [β̞ɪ́r:g̚ɟə] wirkdje

Anen ènj van e waord en in 'ne stumloeaze kónteks kan de stumhöbbendje palatale plosief de stumloeaze palatale plosief es allofoon höbbe door auslautverhärtung; wen 't waord wuuertj gevolg door 'n anger waord det aanvèngk mit 'ne klinker, den geldj det t'r waal stumhöbbendj is.