MacBukkum

MacBukkum

Troubadour oet 't Luuedal.

MacBukkum is 'ne muzikant oet Boaksum, gemèndje Luuedal. Hae sjrieftj leedjes in 't plat. Categorie: satire, humor en romantiek. De Discografie volgtj achteraan dit artikel.

MacBukkum zingtj en begelètj zichzelf op gitaar en bluesharp (mondharmonica). Alles äöver MacBukkum is te vinje op www.macbukkum.nl

Hae begós zien carriere as prins carnaval van de Plekploasters in 2004/2005. Zien 2 adjudante en gevolg dosjdje zich compleet oet in het schots en de Bukkum Clan waas gebaore. De Clan verkocht "kilt-pakkette" (unne lap geroete sjtóf mèt get frutzelkes en 'n waopen) woeëmèt men zich 'ne eige outfit kós bouwe. De hoofdpries väör de sjoeënste creatie waas 'ne doedelzak. Dae waerdje gewónne door de dames van de zaate hermenie "Allein van hoês", väör dees gelegenheid ómgeduiptj toet "Alone from home - plaid-on-the-reet band"

De ópbringst van de kilt-actie ging nao de CliniClowns. Det waas toch mer efkes 680 euro. MacBukkum waerdje väör dees actie door de CliniClowns genomineerdjj väör de "Gouden Neus", 'ne jaorlijkse priês väör ludieke acties. De Clan mocht op 11-11-2005 brons gaon ophaole in 'n live oetzending van arbeidsvitaminen op radio 3FM. Dees bronze naas priêktj sins dae daag bie MacBukkum op de sjouw en waas mede inspiratie väör 't vervolg.

In 2005 haai MacBukkum zich al 'ns ludiek in de haor gehadj mèt vv de Kwakkert oet Heitse. Hae registreerdje de naam www.kwakkert.nl (en nog 'n paar die dao op liêke). Op de recepie van Prins Bart waerdje det alles aangebaoje taege 'n vaat beer. Det vaat beer is d'r noeëts gekome, aug al ómdet enkele elite-kwakkerte (woeë-ónger de toenmalige vorst Sjang) behuuerklijk nuuetelijk wore äöver die actie. Sinds dae tiêd waerdj de Kwakkert nog regelmaotig gekieteldj met www.kwakkert.nl. Nao aanleiding van det gekif bedach MacBukkum de symbolische besjriêving van de Kwakkert:

Lang tieën, dun in de vaere en 'n groeëte bek.

Alles äöver die periode is te vinje op MacBukkum 2005

Heitse waas op det moment nog 'n eige gemèndje woeë det aug Grathem, Boaksum en Kelpe ónger vele. Op 1 januari 2007 waerdje Heitse eindelijk as gemèndje opgeheve en ging op in 't Luuedal. Óndanks 16 jaor ergernis mós MacBukkum toch 'n träönke wegpinke. 'n Dörp zónger identiteit mós zien identiteit inlevere. Hae pakdje ziên gitaar en sjraef 'ne oppepper väör alle Heitser miense: "Ode aan Heitse (haot dig vast), Klik hie väör 'n väörbeeldj. Ter verduudelijking: Heitse waerdj op 'n nette meneer flink aafgekeimtj.

Dit leedje blaef ónopgemerktj, toet det prins Peter III (Sillekens) 't te huuere kraeg. Hae smokkeldje MacBukkum met zien "Ode" de bóntje aovendj in en det sjloog in as 'n bom. 't Versprèdje zich as 'n oalievlek door 't Luuedal. MacBukkum waerdje regelmatige gast bie ómroep 3ML. Heitse is inmiddels gesjplaete in diverse groepe. 'n Enthousiast deil, 'n tollerant deil en 'n kleine groepering die mèt häör lang kwakkerte-tieënkes toet in Boaksum äöver 't sjpaor sjtaeke.

MacBukkum haai de sjmaak te pakke. Op 30 december 2008 kwaam 'n volledige CD oet, genaamdj: Klaats !! De CD geit absoluut neet äöver Heitse (al sjteit de "Ode" d'r waal op). 9 nummers satire, humor en romantiek äöver van alles en nog get. MacBukkum sjpaartj gelökkig aug zichzelf neet, want det is toch de gróndjsjaag väör gooi satire, zelfspot.

De CD "Klaats !!" vónj (en vindj) weer zien waeg door 't Luuedal en ómsjtreke. Bie Omroep 3ML is de CD al gemeingood. Inmiddels is MacBukkum met zien CD te gast gewaestj bie Radio L1. 'n Heerlijk interview, met as gevolg 'n live optraeje tiedens de bekindjmaking van de finaliste LVK 2008.

== Discografie: ==

2007:

- Ode aan Heiste (haot dig vast) 5 x raak.

- Klaats !!

laes alles op: www.macbukkum.nl