Moelinge

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Moelings, es te dit dialek sjpriks.

---

Moelinge (Nederlands Moelingen, Frans: Mouland) is 'n dörp in de gemeinte Voere in Belsj Limburg. Moelinge ies 't meis westelik gelege dörp in de Voorsjtreek gelege in 't Maasdal aan de reveer de Berwien.

Bezeenswaerdig

• De O.L.Vrouwekèrk mèt 'ne Romaanse tore oet de 12 ièw. Ander sjtiele in 't geboew zint gotisch, barok en neogotisch.
• Bie 't veurmalig gemeintehoes, langs de brök euver de Berwien, sjteit 'n waegkruus oet 1768. Daoneve 'n sjtèl grenspaole oet 1713 mèt de waopes van Oasteriek en De Nederlanden. 't Hudige Belsj huèrde toendertied bie Oastenriek.
• Woa de Berwien in de Maas oetmondt sjting oats 't kesjtièl van Elven. Allein get reste van de 'sjans', 'n versjterking opgezat door de Sjpanjaarde in 1674, zint dao nog van euver. Ouch ies nog get te zeen van 'n Oastenrieks tolkentoar oet de 18e ièw.
• Euver de Maas liek 'n sjtuwdam, die 't waterpeil sjtruimaafwaerts reigelt. Aan de oaskant weurt 'n hydro-elektrische centrale aangedreve.
• 'ne Vösjtrap in de Berwien. Dae moèt de vösje, die tege de sjtruim in zjwumme de meugelikheid geve um de klein sjtuw van 'n veurmalige watermeule te passere. Op dees plek ies 'n nuuj brök euver de Maas aangelag.

Dörpsvereniginge

• Gemengd Zangkoar Mulingia
• Carnavalsvereiniging De Djimmers