Maert

Keunsmaert Sjilderiej va Honoré Daumier, èng 19de ieëw

E mjert is e plaats wao luuj mè kraompkes staon om denger te verkuppe. De meiste dörpe höbbe eens in de waèk e mjert. Sommige stéj houde ouch e jaormjert. In vaòl plaatse vinste ouch straòtname die aan e mjert herinnere es markstraat of oude markt. E mjert wurd méstal gehoude op e dieke straòt of e pleinke. Sommige mjerte verkuppe specifieke denger es op e kèèsmjert, e blomemjert, e turfmjert of e bigkemjert.

---

De volgende sectie van dit artikel is gesjreve in 't Norbiks.

---

Maert is e waoërd mèt versjillende betekenisse. Maert (economie) is 'n begrip in de economische weitesjap en 'n benaming vör 'n bepaald saoërt handel in de boeteloch. Dit artikel gèèt övver dis lètste betekenis.

'ne Maert , Latien Mercatus dat maert en handel betekent, is 'n vörm va sjtraothandel, mae dan in 'ne aander vörm es wie venters of krieëmers, die va hoes nao hoes trèkke öm hun waar te verkope. 'n Maert vindt plaatsj op 'n vaste plaatsj en 'ne vast tied.

Mètstens is 'ne maert 'n algemene maert oeë zoewaal voedingsmiddele es aander verbroeksartikele verkoch werre. 'ne Groeëte maert is ingedeeld in 'n deel oeë greunte, visj, sjtrieëkproducte, sjtoffe en ander waar aagebaoje werre.

Waeëkmaert in Bozen (Bolzano, Italië)

Jaormaerte

• Zitterd: Sint-Joep maert op 19 maart
• Gulpe: Sint-Hubertus maert op 3 november
• Aubel: Sint-Hubertus maert roond 3 november

Waeëkemaerte

• Mestreech: vriedèg, Euregio
• Gulpe: donderdèg, regionaal
• Visè: gonsdèg, regionaal
• Aubel: zoondèg, Euregio sjtrieëkproducte
• Luuk: zoondèg, Euregio

Kaeërsjmaert

• Valkebaerg: in december in de gemèndegrot, Benelux
• Kanne: in december in de mergelgrotte, regionaal
• Kölle: in november en december, Europees

Vriemaert

Op Könninginnedaag op 30 april zeunt övveraal vriemaerte. Eederèè maog dan op 'n bepaalde plaatsj, zoonder sjtaandgaeld te motte betale, z'n sjpölle verkope.