Zösse

Zösse is e dörp in Belsj Limburg. Vruger woor 't mèt Zèche en Boolder ein gemeinte, nou is 't e stök van de gemeinte Riems. In Zösse kalle ze Zössers, 'n Limburgs dialek.

Zösse is bekènd dwör de melgergrotte (De berg) en de sjappeljóngs (champignons). Meh spetig genoeg oak dwör de raamp van de Rozebörg, in Zèche, op 23 december 1958, bo 18 lui zie doodbljaeve wei de berg is eegevalle. Allewijl jadde gein blök mee oet de berg gehold en aok gein sjappeljongs mee gekweek in de berg. Väöl huis zie natuurlijk gemaok van melger. De kèrk aok. Sint-Genoveva is de patroonheilige. De kaerk is gebouwd in 1850 en gröter gemok in 1926. Zösse grens behalve on Zèche en Boolder, aok on Jökkelem, on Vroenhove, bo ze aok Moontenaoke tjaege zegge, on Kan en on de Waolse kaant on Aemel en Eumes (Eben-Emael). Do wone een klejn doezend lui. Oetbrejje en bowwe is heel lang e probleem gewès, want e groot stök van 't dörp is wöl: dao lik berg oonder. Nouw is de berg oonder de huis opgeveld. 't Dörp is een typisch dreug-Haspengouws dörp: een geslwöte kern, mèt dao roond veld(vruger häöf met fräötbeim). In 't dörp vins de nog versjejje vierkaantswinninge. Heel bekeend in de umtraek is Zössekaermis, op de laeste zondig van Ogustus en dat vier daog laank tot 's Goensdis. 's Moendis is het hoanhawwe. Dan jöt 'ne gepikde hoan dood opgehange, mèt de kop noa oonder dwör een kerp. De ongetrowde maetskes moete da, met 'ne doek vjör hun oage, probaere de kop oaf te hawwe mèt 'n botte soabel. 's Tjaensdis is het kneendjasse. De manslui moete da, oak maet 'ne doek vjör hun oage, met 'ne djasvljaegel, probaere ene bloempot in de groond kapot te hawwe. Op goensdig jöt de kaermis begraove maet vuurwerk. Vruger haost de aok cramignons wei in väöl dörpe in d'n umtraek, oak in de Waole en in Hollands Limburg , meh dat du ze nou nee mee in Zösse. Toch bleve noch väöl lui van weed en braed no Zössekermis kwömme.

Verejniginge

Het verejnigingslaeve jöt gedominjèd dwör de twee mezieker: de harmonie Broederband of de Fritse en de harmonie Vreug in Deug of de Doruze. Ilke echte gebwöre Zössener is ofwaol Frits ofwaol Dorus. Maet Zössekermis haet ilk meziek z'n aege program, hoanhawwe, kneendjasse en vuurwerk.

de fritse

de doruze

Gebwöre

In Zösse gebwöre:

• Trudo Jans, bisjop en missionaris in China en do van kaant gemok in 1929
• Bertho Bosch, ex-profvoetballer.