Moresent

Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Moresenter, es te dit dialek sjpriks.

---

Viaduct va Moresnet.

Moresnet is 'n kèrkdörp van de gemèngde Blieberig in de provincie Luuk in Wallonië op 't Belsj en in 't midde van d'r Euregio Maas-Rien. De örsjte vermelding van Moresnet sjtamt oet 888 en de plaetsjke waoërt doe Marsna geneumd. Moresnet haat noe 1400 inwuëners en 't dörpke liegkt in 't dal van de Geul, die d'r däörheen sjtreumt.

D'r naam Moresnet is väöral bekaand va Neutraal Moresnet, 'n minisjtaotsje dat va 1816 bies 1919 besjtande haat. In dae tied besjtong 't huidège dörp oet 'n Belsj-Moresnet, 'n Duutsj Moresnet en 't midde-sjtuk van 't dörp hoeërt bie Neutraal Moresnet.

Groete oet Moresnet.

Uvver Moresnet hee löpt de Montzenerlijn över 'ne viaduct dae 1300 laank en 68 meter hoeëg is. Tiedens d'r Ursjte Waeltkrèèg is die lijn, en ooch dis brugk, geboewd.

In Moresnet trèf me väöl hoezer aa die geboewd zeunt mèt natuursjtèè oet de umgaeving. Ooch vindt me d'r vakwaerkboew.

't Buurtsjap A g'n Eèkske is 'n bekaand bedevaartsoord.

Kèrk en kesjtieële

De kloes va Moresent.

• Remigius-kèrk oet 1673 mèt 'n klok va 1272
• Kesjtieël Alensberg oet d'r 17de ieëw.
• Kesjtieël Uelenberg oet d'r 19de ieëw.
• Barok kesjtieël Bempt, oorsjproonkel Bennelt, mèt gotische taoëre.
• Ruïne Schimper mèt kelders en muur oet d'r 12de en 'ne taoëre oet d'r 14de ieëw. Hein Simons is d'r èègenaer.