Hommerech

Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Hommerigs, es te dit dialek sjpriks.

---

Glaasraam St. Brice in de kèrk.

Glaasraam St. Joep in de kèrk.

Hommerig is 'n kèrkdörp va g'ne Blieberig in de provincie Luuk in Wallonië op 't Belsj en midde-n-in de Euregio Maas-Rien.

Väör de fusie in 1977 waor Hommerig 'n zelfsjtendège gemèngde. Roond de kèrk liegkt 'n kèrkhof. In d'r kèrkhofmoeër zeunt 18de ieëwse graafsjtèng ingemetseld. Hommerig makt landsjappelek bezieë deel oet van 't Laand va Herf.

Lang is 't dörp verdeeld gewes in Joepe en Britse. Huutsedaag wert 'n trapistebèèr gemakt mèt die name.

Amerikaans kèrkhof.

Amerikaans kèrkhof

't Amerikaans kèrkhof liegkt op Amerikaanse groond, mae väördat d'r groond däör de Belsje regering gesjoonke waoërt es daank väör de bevrijding, waor dit 'n dèèl va Hommerig. Op dit kèrkhof zeunt Amerikane begrave, die tijdens d'r Twieëde waeltkrèèg tiedens väörnamelek 't Ardenneroffensief sjneuvelde. Op de aafbeelding is 't monumaent te zieë, mèt rechs 'n informatieruimte en leenks 'n bezinningskapel. Op de pilaere zeunt name van gesjneuvelde soldaote gegraveerd. Achter 't monumaent bevindt zich 't kèrkhof mèt doezende witte carera-marmere kruutser.

An de överziej van d'r waeg haat me 'n good oetzich över de U-vörm van 't dal van de Berwien. Die U-vörm is typisch väör dale die in iestieje zeunt oontsjtande.