Noor: Versjèl tösje versies
K Robot-geholpen doorverwijzing: Voere |
K interwiki fr: |
||
Tekslien 15: | Tekslien 15: | ||
[[Categorie:Reveer]] |
[[Categorie:Reveer]] |
||
[[fr:Noor]] |
|||
[[nl:Noor (rivier)]] |
[[nl:Noor (rivier)]] |
Versie op 17 jun 2007 16:09
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
De Noor, och Laankwater geneumd, liegkt in 't Noordal en haat häör hoofdbron, de Seent-Brigidabron, in Norbik in 't buurtsjap De Wesj. D'r natuurlek oontsjtande bronkoomp is versjtevigd mit mergele blök. Vreuger waterde 't gaanse Noordal aaf op dis baeëk. Saer innige tied is 'n constructie gemaakt, die d'r vör zurgt dat bie wolkebreuke 't water neet mie allemaol nao de baeëk lupt. De Noor is de innige Nederlandse baeëk die in noord-zuideleke richting sjtreumt en wal richting 't Belzje durp Voere oeë ze, in 't buurtsjap Vitsje, oetmondt in de Voor. In de waterhuishouding watert 't Noordal van nature aaf op 't dal van de Voor.
D'r Baeëndel
D'r Baeëndel (Noorbeemden) wert besjermd en beheerd dör Natuurmonumenten en besjteet oet:
- drassige wèjje, oeë d'r reuzepaardestaart en d'r knolsteenbreek te vinge is;
- wèjje mit hoeëgsjtamfreutbeum - oeë d'r das zich te good deed an 't valfreut;
- moerassige bösj, mit de väöle biebronne;
- kling laandsjapselemaente zoewie: dreenkpeul, mergelkoele, hol waeg, grafte, bösjreng, kalkgrasland, meidaoënhage oeë 'n groeëte variëtèèt an plaante en dere laeve. Zoewie 't gael kwiksjtuutske en 't iesväögelke. Opmerkelek väöl amfibiën en reptiele, wie alpewater-salamanders, levendbarende hagedisse en 't kleunkske (vroedmeesterpad) vinge hie hunne biotoop.
Saer innige jaore graze hie Glanrundere en is d'r och 'ne wiengaard aa-gelag.
't Noordal
't Gaans Noordal is besjermd dör Natuurmonumenten en vörmt 'n ecologische verbindingszone tussje d'r Savelsbösj, 't Geuldal mae och grensuvversjrèjjend mit 't Vlamsje natuurgebied Altembroek op 't Belsj.