Heinric van Veldeke

Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.

---

Heinric van Veldeke (Henric van Veldeken) (ongevier 1128, Spalbeek - nao 1190) waor een Oudlimburgs hofdichter.

Hae sjreef zien ieëjste wirke tösje 1170 en 1190, ónger besjerming van gravin Agnes van Loon, köster Hessel va St.-Servaas te Mestreech en Hermann von Thüringen.

Van ziene laevesloup wit men neet väöl. Waarsjienlik sjpraok hae Frans en Latien, en haw hae kènnis va rech.

Hae is de ieësjte sjriëver van de Lieëg Leng (De Nederlande) woëvan de naam bekind is. De Nederlandse, Limburgse en Duutsje literatuurgesjiedenis beginne mit Veldeke. E waor d'r iësjte dae in 'n Germaanse taal 't eindriem gebroekde - dat in dae tied waal gebroekelek waor in de Romaanse tale - in de plaats van 't bis doe gebroekelike midderiem. Hae is gebore in Spalbaek, in de buurt van Hasselt.

Zien belangriekste wèrk waor de Eneide, uëver de Trojaanse held Aeneas. Dit wèrk, gebasierd op de Franse Roman d'Énéas, is gesjriëve rond 1175 op 't hof van de graaf van Kleve. Allein de Middelduutsje vertaling van de Eneïde haet de historie euverlaef.

Vanweëge ziene excellente techniek haw Van Veldeke väöl invlood op de Duutsje literatuur vanaaf de twelfde ieëw. Hae woert gewaardierd vuur ziene lyrische poëzie, woëvan ongevier dartig vuurbeëlde höbbe euverlaefd.

't Is neet ziëker woeraan Van Veldeke is gesjtorve, mer 't waor nao 1190 en vuur 1205, toen 'r doer Wolfram von Eschenbach woert genumd in zien Parzifal.

Wirk

• Eneïde
• Sente Servas

Tekste

• Vro
• Swer mir schade an miner vrowen

Bronne

• Heinric van Veldeke, DBNL
• De Nederlandse en Vlaamse auteurs, G.J. van Bork & P.J. Verkruijsse (red.), DBNL