Taxonomie

De discipline bènne de biologie die zich beezig hilt mit de categorisering en indeiling van al het laeve op aarde.

De indeiling van de natuur is nogal en probleem, hetgeen leide tot flink get discussie. Door de geschiedenis zin de volgende veurstelle gemaak en gebroek.

Meistal wurt begoosj mit de indeiling van Carolus Linnaeus (Carl von Linné) oet 1735 (de Systaema Naturae), ofschoan Aristoteles de deere al classificeerde noa de meneer wooöp ze zich deege veurtbewaege.

Linneaus (1735):

1. Plantae

2. Animalia

Toen woorte de eincelligen ontdèk:

Haechel (1894):

Drie rieke

1. Protista

2. Plantae

3. Animalia

Vervolges woort d'r in 't meercellige domein een extra riek ingeveurd, de fungi oftewaal de sjummels en de protiste woorte opgesplits in protista en monera:

Whittaker (1959):

Vief rieke

1. Monera

2. Protista

3. Fungi

4. Plantae

5. Animalia

Bènne de eincellige ontsting een nuuj indeiling, de monera woorte gesplits in bacterië en archeë:

Woese (1977):

Zès rieke

1. Eubacteria

2. Archaebacteria

3. Protista

4. Fungi

5. Plantae

6. Animalia

Woese zelf vong et mèr een zooitje en veurde een 'supercategorie' in, boave de rieke 3-6, genaamp Eukarya. De rieke bestoan nog ummer, op een lièger hierachisch niveau:

Woese (1990):

Drie domeine

1. Eubacteria

2. Archaea

3. Eukarya

Aan de lagere niveaus is sinds de tied van Linnaeus niet veul mjè verangert:

De hierarchie op vandaag:

Domein

Riek

Phylum

Klasse

Order

Familie

Geschlach

Soart

Van elk nivaeu geuf et zich weer subniveaus en superniveaus (beveurbeeld: superklasse, suborder).

Een veurbeeld, de mens:

Domein: Eukarya

Riek: Animalia

Phylum: Chordata

Subphylum: Vertebrata

Superklasse: Tetrapoda

Klasse: Mamalia

Order: Primates

Familie: Homonidae

Geschlach: Homo

Soart: Sapiens

Subsoart: Sapiens

Pas vanaaf Geschlach wurt de naam vermeld:

Dus: Homo sapiens sapiens