Koalmet

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Koalmet (Nederlands: Colmont) ies 'n buurtsjap van De Berg (Ubachsberg) in de gemeinte Voelender in 't Limburgse Heuvelland. Ouwer name zint Kollemonde en Coelmont. De naam geit truuk nao 't Latiense calvum montem wat kale berg beteikent. In 2002 umvat de buurt 'n 30 häöf en hoezer, woa 80 luuj in wone. Koalmet ies hoag gelege op 't plateau in Zuud-Limburg. De umgeving ies euvergangsgebeed tösje de Duutsje Eifel en de Belzje Ardenne. In de buurt liegke natuurreservate: de Koalmeterbösj, de Vrouwehei en de Putberg. Typisch zint de haol waeg. 'n Aantal hoezer ies geboewd in Kundersjtein.