Peter R. de Vries: Versjèl tösje versies

Van Wikipedia
Verwijderde inhoud Toegevoegde inhoud
Geen bewerkingssamenvatting
 
Tekslien 23: Tekslien 23:


Op [[13 september]], [[2006]], waerdje de misdaodverslaaggaever same mit collega Kees van der Spek aangehajen in [[Oisterwijk]] nao 'n kónfrontaasje mit 'ne plies. Zie höbbe ruum 2 oer vasgezaeten op 't pliessebureau ane Ringbaan Zuud in [[Tilburg]]. De pliessen hawwen e [[proces-verbaal]] opgemaak veur èrfvreebreuk.
Op [[13 september]], [[2006]], waerdje de misdaodverslaaggaever same mit collega Kees van der Spek aangehajen in [[Oisterwijk]] nao 'n kónfrontaasje mit 'ne plies. Zie höbbe ruum 2 oer vasgezaeten op 't pliessebureau ane Ringbaan Zuud in [[Tilburg]]. De pliessen hawwen e [[proces-verbaal]] opgemaak veur èrfvreebreuk.

De Vries kreeg in 2008 'nen [[Emmy Award]] veure tilleviesreportaasj wo-in [[Joran van der Sloot]] in 'ne wage mit verstaoke camera's taenge [[Patrick van der Eem]] oetspraoke dieëj euver zien betrochheid bie de verdwiening van [[Natalee Holloway]].

In 2014 prizzenteerdje De Vries de 6-aafleveringerits ''Peter R. over de grens'', euver sjenjinge van kinjerrechte. Van 2015 toet 2016 prizzenteerdje De Vries 't pergram ''Peter R. de Vries: Internetpesters Aangepakt''. In 2018 koom De Vries trögk bie SBS6 mit 't pergram ''Peter R. de Vries: De Raadkamer''.


De Vries mingdje zich ouch in 't [[Marengoperces]], 'n ómvangrieke zaak taenge [[mocromaffia]]baas [[Ridouan Taghi]] en zien organisatie. Hie-in stóng d'r informeel de kroeangetuug [[Nabil B.]] bie. Op [[6 juli]] [[2021]] woort hae in 't centrum van [[Amsterdam]] neergesjaote. Hae stórf neuge daag later aan zien verwónjinge. Dezen aanslaag wuuert in verbandj gebrach mit zien betrochheid bie dees zaak.
De Vries mingdje zich ouch in 't [[Marengoperces]], 'n ómvangrieke zaak taenge [[mocromaffia]]baas [[Ridouan Taghi]] en zien organisatie. Hie-in stóng d'r informeel de kroeangetuug [[Nabil B.]] bie. Op [[6 juli]] [[2021]] woort hae in 't centrum van [[Amsterdam]] neergesjaote. Hae stórf neuge daag later aan zien verwónjinge. Dezen aanslaag wuuert in verbandj gebrach mit zien betrochheid bie dees zaak.

Hujige versie per 15 jul 2021 15:44

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Peter Rudolf de Vries

Peter R. de Vries, ganse naam Peter Rudolf de Vries (Aalsmeer, 14 november 1956 - Amsterdam, 15 juli 2021) waas 'ne Nederlandjse misdaodverslaaggaever mit 'n eige tilleviespergram.

De Vries wós d'n Heineken-óntveurder Frans Meijer op 't spaor te kómmen in Paraguay, zat zich in veure Twieë van Putten en ónthöldje det Mabel Wisse Smit de crimineel Klaas Bruinsma baeter kós es det 't ieëre toegegaeven haw. Ouch kreeg d'r de computer van offeceer van Justitie Tonino in henj, dae achteraaf vol bleek te staon mit kinjerporno.

Laevesluip[bewirk | brón bewèrke]

De Vries grujdje op in Amstelveen. Zie vader woor direktuuer vanne kroetfebriek Muiden Chemie, en zów tiedes de Twieëdje Werreldkrieg emes höbbe doeadgesjaote. 't Gezin mit zès kinjer waas gereformeerd meh De Vries mós min vanne kèrk höbbe; hae góng lever nao Ajax.

De Vries volgdje de HAVO in Amsterdam-Buitenveldert. Hae vervöldje van 1976 toet 1977 zien militair deensplich bie de Keuninklike Landjmach, en waas in dezelfdje periode bestuurslid van de Algemeine Vereiniging Nederlandjse Militaire (AVNM). In mieërt 1978 góng De Vries es verslaaggaever bie De Telegraaf wirke, aanvenkelik oppe redactie in Den Haag (algemein verslaaggaeverie). Achter e jaor waerdje hae euvergeplaats nao de redactie in Amsterdam; hae specialiseerde zich doe in misdaodverslaaggaeving.

De Vries noom in 1987 óntslaag bie De Telegraaf, en waerdje hoofredacteur van waekblaad Aktueel. Hae maakdje van dit waekblad e misdaodtiedsjrif en goof inne zaak van 't verdwene maedje Nymphe Poolman 'n beloeaning van hóngerddoezjend göljen oet. Ouch wirkdje hae mit aan 't tilleviespergram Crime Time van Jaap Jongbloed.

Vanaaf 1991 waas De Vries zelfstenjig misdaodverslaaggaever. Hae sjreef ónger angere veur 't Algemein Daagblaad en veur 't waekblaad Panorama. Daonaeve waas hae presentator en hoofredacteur van 't tilleviespergram Peter R. de Vries, misdaadverslaggever, aanvenkelik oetgezónje door RTL4 (vanaaf 1995), en sieër 1998 door SBS6. In dit pergram behanjeldje hae aan misdaod gerelateerdje zake, wie maord- en verkrachtingszake, oplichting en kinjerporno. Neet zelje haet dit pergram, aldanneet mitte verstaoke camera, gelèdj toet 't vinje van däöjers, 't vrielaote van ónsjöljige (wie inne Puttense maordzaak) en 't achterhaole van gebeurtenisse.

Zien SBS 6-mitwirkerse Lisette Knoop haw 'n leefdjesrelatie mit gewaeze Heineken-óntveurder Cor van Hout, e jaor veur zienen doead.

De Vries reep aafkeurendje reacties op doe hae bie d'n doead van Van Hout neet allein 'n rouwadvertentie leet plaatsen in De Telegraaf, veur "de speciaalste miens dae ich höb lieëre kinne" (Misdaod brach ós same, misdaod troch ós oeterein), meh boetedet 'n toespraok heel tiedes de begraefenis.

Ouch ieëre koom De Vries in opspraok. Hae waerdje geregeldj mit toepcrimineel Klaas Bruinsma gezeen in 't Amstelhotel. Volges Bart Middelburg, misdaodjournalis bie 't Amsterdamse daagblaad Het Parool, leet De Vries zich door Bruinsma inkapsele. Dao-op volgdje e smaadproces, det De Vries verloor. In 1995 noom Justitie bie De Vries diskettes mit infermaasje euvere hasjgroeathanjelieër Charles Zwolsman in beslaag, die gestaole wore bie officier van Justitie Jo Valente.

Inne begin van 2006 góng de Vries same mit Wim Dankbaar nao Dallas, Texas veur 'n reportaasj te maken euvere maord op President John F. Kennedy. In dees reportaasj koom ónger angere James E. Files aan 't waord, dae bewaertj eine vanne twieë maordenieërs van Kennedy te zeen.

Op 13 september, 2006, waerdje de misdaodverslaaggaever same mit collega Kees van der Spek aangehajen in Oisterwijk nao 'n kónfrontaasje mit 'ne plies. Zie höbbe ruum 2 oer vasgezaeten op 't pliessebureau ane Ringbaan Zuud in Tilburg. De pliessen hawwen e proces-verbaal opgemaak veur èrfvreebreuk.

De Vries kreeg in 2008 'nen Emmy Award veure tilleviesreportaasj wo-in Joran van der Sloot in 'ne wage mit verstaoke camera's taenge Patrick van der Eem oetspraoke dieëj euver zien betrochheid bie de verdwiening van Natalee Holloway.

In 2014 prizzenteerdje De Vries de 6-aafleveringerits Peter R. over de grens, euver sjenjinge van kinjerrechte. Van 2015 toet 2016 prizzenteerdje De Vries 't pergram Peter R. de Vries: Internetpesters Aangepakt. In 2018 koom De Vries trögk bie SBS6 mit 't pergram Peter R. de Vries: De Raadkamer.

De Vries mingdje zich ouch in 't Marengoperces, 'n ómvangrieke zaak taenge mocromaffiabaas Ridouan Taghi en zien organisatie. Hie-in stóng d'r informeel de kroeangetuug Nabil B. bie. Op 6 juli 2021 woort hae in 't centrum van Amsterdam neergesjaote. Hae stórf neuge daag later aan zien verwónjinge. Dezen aanslaag wuuert in verbandj gebrach mit zien betrochheid bie dees zaak.

Bekindje zake[bewirk | brón bewèrke]

Mabel Wisse Smit[bewirk | brón bewèrke]

Op 2 oktoeaber 2003 prizzenteerdje De Vries in zie tilleviespergram 'n ieëre opgenómmen interview mit Charlie da Silva, 'ne Chileensen ex-liefwach van Bruinsma alias De Lange. Da Silva verklaordje det hae Mabel Wisse Smit, de verloufdje van Prins Johan Friso, vreuger regelmaotig gezeen haw oppe reddingsboeat Neeltje Jacoba wo Bruinsma verbleef: "zij was die wijf van die Lange". Op 9 oktoeaber volgdje 'n twieëdje oetzenjing, mit nuuj details en anger getuge. De bei oetzenjinge wèkdje zoväöl kónsternaasje op det de regering op 10 oktoeaber bekindjmaakdje veur 't paar gein toestummingswèt te zóllen indene. Wie prins Johan Friso hie-op toch mit Wisse Smit trouwdje, verloor hae daodoor zie rech oppe troean.

Natalee Holloway[bewirk | brón bewèrke]

De Vries maakdje in november 2006 e pergram wo-in d'r - euveriges sónger daoveur get van bewies aan te veure - Joran van der Sloot besjöljigdje van mitplichtigheid ane verdwiening van 't Amerikaans maedje Natalee Holloway. Joran van der Sloot goeadje in jannewarie 2008 nao 'n aaflevering van Pauw & Witteman De Vries e glaas wien in 't gezich.

Op 31 jannewarie 2008 maakdje De Vries bekindj de zaak 'Natalee Holloway' opgelos te höbbe. Hae haet op 3 fibberwarie óm half tieën saoves in zien eige misdaodpergram op SBS 6 de oplossing aangedrage. In 't pergram wore videobeeldjer vanne verstaoke camera te zeen wo-op Joran van der Sloot zien betrochheid toegoof.

Trivia[bewirk | brón bewèrke]

In 2005 di-j de Vries mit ane rally Paries-Dakar, hae góng euvere kóp, meh bleef ónverlets.

Beuk[bewirk | brón bewèrke]

  • Uit de dossiers van commissaris Toorenaar (1985)
  • De ontvoering van Alfred Heineken (1987)
  • Beroep, misdaadverslaggever (3e dr., 2003)
  • Cipier, mag ik een pistool van u? (1993)
  • Een moord kost meer levens (1994)
  • De moord die nooit mag verjaren, en andere minireportages (2002)
  • Alleen huilebalken hebben spijt (2005)
  • Een crimineel liegt niet altijd... (2006)

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Peter_R._de_Vries&oldid=450641"