Duutsjers

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De Duutsjers (Duutsj: Deutsche) vörmen e Germaans vouk det inheims is aan Centraal-Europa en 'ne gemeinsjappeliken Duutsje kómaaf, kultuur en gesjiechte deiltj. Zie kallen 't Duutsj of verwantje dialekten es moderspraok. Es alternatief guldj det Duutsjers emes is waat in Duutsjlandj is gebaoren of dae wóntj.

De Duutsjers make bao 93% vanne bevölking van Duutsjlandj oet, de res wuuert gevörmp door klein erkandje minderheje, wie de Daene, de Frieze, de Ziguinders enne Sorbe. Wiejer guuef 't nag minderhejen in lenj wie Belsj (de Oeaskantons), Daenemarke ([[Jutlandj), Frankriek (Elzas en Lotharinge), Kazachstan, Nederlandj, Pole (Silezië), Róslandj (de Volgaduutsjers) en Tsjechië (Sudetelandj). De Duutsjkallendje luuj van Liechtenstein, Luuksembörg, Oeasteriek, Zuud-Tirol en Zwitserlandj besjoewe zichzelf gein Duutsjers, mer ieëre häör eige nasjenaliteit, wie Luuksembörgers, Uuesteriekers of Zwitsers.

Werreldwied guuef 't tösse de 100 en 150 miljoen Duutsjers, wovan zoeaget de hèlf in Duutsjlandj wóntj. In Naord- en Zuud-Amerikaanse lenjer wie Argentinië, Breziel, Mexico enne Vereinigdje Staote, mer ouch in Australië, wone miljoene Duutsjers of luuj die genealogisch Duutsj zeen. Mer ouch in Namibië en Zuud-Afrika höbbe väöl luuj Duutsje aafstamming.

Bekandje Duutsjers

• Johann Sebastian Bach - kómpenis
• Ludwig van Beethoven - kómpenis
• Joseph Beuys - kónstenieër
• Heinrich Böll - sjriever
• Dietrich Bonhoeffer - pestoear en theoloog
• Johannes Brahms - kómpenis
• Willy Brandt - politieker
• Bertolt Brecht - tonieëlsjriever en dichter
• Marlene Dietrich - aktries
• Albert Einstein - netuurkundige
• Anne Frank - Holocaus-slechoffer
• Johann Wolfgang von Goethe - sjriever en dichter
• Günter Grass - sjriever
• Georg Friedrich Händel - kómpenis
• Werner Karl Heisenberg - netuurkundige
• Hermann Hesse - sjriever
• Paul Hindemith - kómpenis
• Petra Kelly - aktivis en politieker
• Fritz Lang - filmrezjissäör
• Gottfried Leibniz - filosoof en wiskundige
• Ernst Lubitsch - filmrezjissäör
• Maarten Luther - theoloog
• Thomas Mann - sjriever
• Felix Mendelssohn-Bartholdy - kómpenis
• Carl Orff - kómpenis
• Johann Pachelbel - kómpenis
• Rainer Maria Rilke - dichter
• Friedrich Schiller - dichter en tonieëlsjriever
• Robert Schumann - kómpenis
• Albert Schweitzer - netuurkundige
• Richard Strauss - kómpenis
• Georg Philipp Telemann - kómpenis
• Wernher Von Braun - rakètboewer en weitesjapper
• Richard Wagner - kómpenis
• Carl Maria von Weber - kómpenis
• Kurt Weill - kómpenis