V.V. De Hopsjlokkers: Versjèl tösje versies

Van Wikipedia
Verwijderde inhoud Toegevoegde inhoud
Stephan 0796 (Euverlèk | biedrages)
KGeen bewerkingssamenvatting
Tekslien 4: Tekslien 4:
In 2019 haet de vereiniging róndj de vieftig aktieve leje, en organiseert eder jaor ''de Sjo!'' (vreuger de Bóntje Aovindj).
In 2019 haet de vereiniging róndj de vieftig aktieve leje, en organiseert eder jaor ''de Sjo!'' (vreuger de Bóntje Aovindj).


== Gesjieddenis ==
== Gesjiedenis ==
De vastelaovesvereiniging waerde in 1952 ópgerich door de eerste krètser (sikretaris) Cor Wijnands, de eerste Prins van de vereiniging Thei de Loo, Vors Hoppius I (Pierre Hendrickx) en Dick vanne Zaalder.
De vastelaovesvereiniging waerde in 1952 ópgerich door de eerste krètser (sikretaris) Cor Wijnands, de eerste Prins van de vereiniging Thei de Loo, Vors Hoppius I (Pierre Hendrickx) en Dick vanne Zaalder.



Versie op 7 fib 2019 16:54

Dit artikel is gesjreve (of begós) in 't Zjwaams. Laes hie wie v'r mit de versjillende saorte Limburgs ómgaon.


Vastelaovesvereiniging (V.V.) De Hopsjlokkers is de grutste en aajste vastelaovesvereiniging van Zjwame. Ziej is ópgerich in 1952, en haet es liefsjpreuk: "Laot gaon dae wage". Dit waas taeves de sjpreuk van de eerste Prins van De Hopsjlokkers, Thei I.

In 2019 haet de vereiniging róndj de vieftig aktieve leje, en organiseert eder jaor de Sjo! (vreuger de Bóntje Aovindj).

Gesjiedenis

De vastelaovesvereiniging waerde in 1952 ópgerich door de eerste krètser (sikretaris) Cor Wijnands, de eerste Prins van de vereiniging Thei de Loo, Vors Hoppius I (Pierre Hendrickx) en Dick vanne Zaalder.

Prins Thei I (de Loo) regeerde es eerste prins van de Hopsjlokkers in 1952 en ouch 1953 (door de Watersnoodramp in 1953 waerde in det jaor gèn nuje prins gekaoze). De liefsjpreuk van Thei I woor "Laot gaon dae wage". Dit waas ouch 'n nummer gesjreve door hem, en same mit "Zjwamerlandj det Gekkelandj" zin dit nag sjteeds bekende Zjwamer nummers tiedes de vastelaovindj.

Omdet d'r veur 1952 nag nootj ein eige vastelaovindj in Zjwame woor gehaje, mós in dae tied nag de toesjtumming waere gevraog aan de pesjtoor. Vastelaovindj waas vreuger namelik de daag van 't bekinde 40 oeregebied mit groot kirkelik Lof inne middig. Vors Hoppius I ging same mit de angere drie oprichters op audiejensie biej pesjtoor Hoen. Nao langk euverlik sjtumde de pesjtoor toe, en gaof toesjtumming om nao 't 40 oeregebed, vanaaf veer oer sjmiddes, te beginne. Naodet de pesjtoor akkoord waas, móste ze ouch nag langs de börgemeister (Strens). Toen dae heurde det de pesjtoor al toesjtumming haaj gegaeve woor hae ouch drek accoord. Hae deej vervolges de historiese oetsjpraok: "Versjaf Zjwame ein paar daag van echte joeks en Thei haaj det sjtielvol..."

Op vastelaovesmaondig om 5 oer leep gans Zjwame oet inne haop getuge te zin van 't eerste optraeje van de intoch van häör Prins, dae euver alle Hopsjlokkers de Meule kwoom zjweije. Van de toenmaolige loco-börgemeister Alers kreeg Prins Thei I de sjleutels en embleme euverhenjigd, womit de vastelaovindj in Zjwame offesjeel van sjtart kós gaon.

De naam Hopsjlokkers kump van de samevoeging tösse de wäörd hop, waat 't belangriekste ingrediejent is van beer, en sjlokkers, waat 't Zjwaamse waord veur 'drinkers' is.

Lies van (Aad-)Prinse

Jaor Prins Sjpreuk
1952 Thei I Laot gaon dae wage
1953
1954 Bert I Dao is t'r nag nooit eine gesjtorve van de lach
1955 Funs I Sjmeer de wage veurdet de sjarnere beginne te piepe
1956 Sybert I Zeet gek mit de gekke en wies mit de wieze
1957 Cor I Blief gek want 't waerd neet anges
1958 Sjain I Laot de wieze zien euvermach beware door oppe tied 'ns gek te doon
1959 Fred I Es se nooit brood in bèd höbs gegaete wèts se ouch neet wie krumele jeuke
1960 Wim I Det zit sjnor
1961 Jan I 't Kén neet heiter zin es vreze
1962 Huub I Zjwame oppe wip
1963 Frits I Teamwörk
1964 Sjra I Neet sjtete is altied mis
1965 Har I Neet grauwele mer krauwele
1966 Henk I Paaf, braek aaf en noe?
1967 Paul I Naeve de pot gepis
1968 Luc I Alle kantje oet: nieks dao
1969 Frenne I Zjamme, zjwamme, Zjwame in de ruumte
1970 Har II Baeter te hoog gesjech en geine beet
1971 Wim II Veur zeen ze vlege
1972 Henk II 't Aug mót auch get höbbe
1973 Jan II Op ein sjöp zand waerd neet gekeke
1974 Frans I Drie daag in de aolie: laot sjtaon dae wage
1975 Lei I Kreit de roje haan óm water, den sjleit de drök eine flater
1976 Jo I Dae kegele wilt, mót ouch opzitte
1977 Jac I Zjwame is de zak
1978 Jos I 'n Pan los
1979 Paul II Inlevere
1980 Joop I Väöl te vreug
1981 Jo II Wo is nieks
1982 Bart I Zjwame maak kuns(te)
1983 Peter I Bóntj en broen
1984 Joep I Op ós 33ste
1985 Huub II Van rood op greun
1986 Huub III Zjwame is mans genóg
1987 Frans II Zjwame geit wie eine trein
1988 John I Geine tied
1989 Fons I Wo doon ze 't van
1990 Ferd I Waat ei beeld
1991 Sjriek I 't Zit inne lóch
1992 Pieter I 't Geit op en aaf
1993 Rick I Waat eine póppekas
1994 Ron I Veur wille good oet de hook kómme
1995 Marcel I Nieks te danke, gaer gedaon
1996 Wim III Van alle merte toes
1997 Marc I Veur zitte de tent oppe kop
1998 Roger I Det guf 't toch neet
1999 Jan III Net op 't rendje
2000 Jan IV In de eewe der eewe Zjwame
2001 Flor I Heure, zeen... en mitdoon
2002 Roy I Ei gaat inne Mert
2003 Frank I Van A toet Zjwame
2004 Harald I Veur weite d'r waeg mit
2005 Willem I 't Is passe en maete
2006 Peter II Veur drejje door
2007 Ruud I Veur zitte nörges mit
2008 Luc II Veur kómme d'r waal oet
2009 Dirk I Hiej zit meziek in
2010 Roy II Dit is gekkewèrk
2011 Rick II Hiej zit se good
2012 Rob I Net efkes anges
2013 Bram I Hiej löp 't
2014 John II Leefs oet Zjwame
2015 Youri I Good verbónje
2016 Luc III Veur gaon los
2017 Sjriek II Veur gaon wiej hop
2018 Flor II Det kèn op 'n tegelke
2019 Peter III Det is gelök

Liefleed van de Aad-Prinse

Veur Hopsjlokkers Prinse veur heure te same

Want carnaval viere zit ós in ’t blood

Biej sjpas en plezeer ós beerke te drinke

Is veur ós zo neudig wie dageliks brood

Al zin veur auch eks en gewaes in ’t verleje

En is ózze amstied al heel lang geleje

Es de dolle daag ós weer biejein bringe

Klink vôller en bliejer ós prinselik refrein:

LAOT GAON DAE WAGE, TRALALALALA.....

LAOT GAON DAE WAGE, TRALALALALA.....

LAOT ’M MER GAON, LAOT ’M MER GAON, LAOT NOE DAE WAGE GAON.

LAOT GAON DAE WAGE, TRALALALALA.....

LAOT GAON DAE WAGE, TRALALALALA.....

LAOT ’M MER GAON, LAOT ’M MER GAON, LAOT NOE DAE WAGE GAON.

Veur Hopsjlokkers winse, det is det in Zjwame

De carnaval jaore maag blieve besjtaon

Doot allemaol mit en vergaet ens eur zorge

Want heringe-goonsdig is alles gedaon

Al zin veur auch eks en gewaes in ’t verleje

En is ózze amstied al heel lang geleje

Es de dolle daag ós weer biejein bringe

Klink vóller en bliejer ós prinselik refrein:

LAOT GAON DAE WAGE, TRALALALALA.....

LAOT GAON DAE WAGE, TRALALALALA.....

LAOT ’M MER GAON, LAOT ’M MER GAON, LAOT NOE DAE WAGE GAON.

LAOT GAON DAE WAGE, TRALALALALA.....

LAOT GAON DAE WAGE, TRALALALALA.....

LAOT ’M MER GAON, LAOT ’M MER GAON, LAOT NOE DAE WAGE GAON.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=V.V._De_Hopsjlokkers&oldid=432227"