Zoondag: Versjèl tösje versies

Van Wikipedia
Verwijderde inhoud Toegevoegde inhoud
Nuuj pazjena: {{dialek|Mestreechs}} De '''zondag''' is 'nen daag in de week. Oersprunkelek waor 't d'n iersten daag; in de westerse werkweek is 't evels de zevende en lèsten daag gewore....
(gei versjil)

Versie op 21 sep 2018 21:57

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De zondag is 'nen daag in de week. Oersprunkelek waor 't d'n iersten daag; in de westerse werkweek is 't evels de zevende en lèsten daag gewore.

D'n daag is verneump nao de zon; 't woord zondag is daan ouch 'n sumpel lienvertaoling vaan 't Latiens Solis dies daan wel 't Aajdgrieks ἡμέρᾱ Ἡλίου hèmera Hèliou. De zon waor in 't Ptolemeïsch stèlsel ein vaan de zeve planete; de aander weekdaog zien nao de aander planete geneump. Daobij gol de zon in väöl culture ouch es 'ne god (Helios bij de Grieke; in minder maote ouch Sol Invictus bij de Romeine). 't Astronomisch symbool veur de zon woort veural vreuger ouch es teike veur de zondag gebruuk. In de Romaanse taole heet me de naom zondag neet gehawwe; hei sprik me vaan d'n 'Daag vaan d'n Hier' (domenica, dimanche etc.).

De zondag waor en is in 't volksgeluif algemein 'ne gelöksdaag, um de positief associaties die de zon mètbringk. Dit kin hiel good vaan invlood zien gewees op de vreug christene, die d'n daag vaan rös en gebèd versjove vaan de sabbat (op zaoterdag; in de Romeinse cultuur zeker geine gelöksdaag) nao de zondag. Bekaans alle christeleke genoetsjappe doen de mès of deens op dezen daag. Allein get klein christeleke genoetsjappe wie de zevendendaagsadventiste koume op zaoterdag bijein.

In alle vaanajds christeleke len is de zondag de wètteleke rösdaag. Ouch in 't islamitisch meh seculier ingestèld Turkije is dat zoe; 't land zeuk daomèt aonsleting bij Europa. Op zondag weure dèks sportmatche gespäöld en in väöl len verkezinge gehawwe. Bij sommege christene gief dat evels probleme, umtot ze meine tot de zondagsras heimèt weurt versteurd. Dit is oonder mie zoe oonder de orthodox-prottestante in Nederland zoe. Daorum weure in dit land verkezinge op goonsdag gehawwe, en speule amateurvoetbalclubs op prottestantse groondslaag dèks op zaoterdag.

Daag van de waek
maondig · daensdig · goonsdig · dónderdig · vriedig · zaoterdig · zóndig
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Zoondag&oldid=429169"