Algemein Gesjreve Limburgs

Dit artikel is gesjreve (of begós) in 't AGL. Laes hie wie v'r mit de versjillende saorte Limburgs ómgaon.

---

't Algemein Gesjreve Limburgs is e projek van Limburghuis.

Noa aanleiding van 'ne oproop van de journalis Wim Kuipers in 1989, om 't Limburgs op sjrif vas te lègke haet Paul Prikken De Taal van de Maas, 'nen dictionair, gesjreve. Va 1995 tot 1999 haet de Kómmissie Algemein Gesjreve Limburgs 'n iersjte aanzèt gegeve.

De bedoeling van 't AGL is om 'ne sjtandaard op te zètte veur 't sjrieve van de variëtiete van 't Limburgs wie dat weurt gekald in Oos- en Wes-Limburg en in de Zelfkant.

Kinmèrke

 ich - make - doe - boum - hondj - sjlang - sjaop - rech< > (oetlègk)

't AGL zeuk de consensus tösje alle Limburgse dialekte. Es structureel versjille tösje mier gebejer veurkomme, móste in weze keze veur ein van de meugelikhede. De taal is noe veural Midde-Limburgs georiënteerd: de sjpraekers vaan de dialekte tösje Remunj en Gelaen höbbe de meiste veuling demèt, wat beveurbild bliek oet de käös veur mouillering.

Euver 't algemein haet 't AGL 'n wij-norm es 't geit um waordkäös. Wäörd die lang neet in alle dialekte veurkoume zin toch in d'n dictionair opgenomme. De idee is tot Limburgers 'n taal neet te väöl moete hove aanpasse es se AGL wille sjrieve, umtot dat d'n dörpel te hoeg zouw make.

Veurbild

Mèt vruntelike permissie euvergenome van limburghuis.nl

Rosa en Fortuna

De wèthauters van Zitterd doon niks lever es eerste sjtein te metsele. Het probleem mèt daen hobby van Arets en Co is, dat veur daen eine sjtein meistes väöl anger sjtein mote aafgebraoke waere. Mer dat is eigentlik biezaak: wae zouw neet gaer ziene naam veur eeuwig in ein marmere plaat höbbe sjtaon? De meiste luuj mote zich kòntent doon mèt hunne sjtein op het kirkhef. Veur ei losgesjlage kleesj van B&W is dat natuurlik te min. Diej wille op aerd nog meer sjpaore van hun presentie achterlaote es ein atoombòm.

Externe link

• http://www.limburghuis.nl