Mülhausen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Klokwies vaan bove aof: 't Aajd centrum, 't Porte Jeune Winkelcentrum, de campus vaan La Fonderie, Muulhoezer Vastelaovend, Zoo vaan Muulhoeze, automuseum, 't Ajd tremmeke en 't 16e Iews Stadshoes

Muulhoeze (Frans: Mulhouse, Duuts: Mülhausen, Elzassisch: Milhüse) is 'n stad in de Elzas (allewijl Fraankriek) en de hoofstad vaan 't Elzassische departemint Haut-Rhin. 't Ligk aon de Rien en twie aander kleiner revierkes. Vaan aajdser waor 't 'n Pruusje industrieplaots. De stad woort Frans nao 't Duuts verlees vaan de Twiede Wereldoorlog. In 2011 goof 't 110.351 lui in de stad. De stad is hendeg constant in inwoenersaontal gebleve in de aofgelaope haaf iew; in 1962 had de stad zoen 2000 inwoeners minder. 't Oppervlaak vaan de stad is 22,2 km². Muulhoeze is ouch de hoofplaots vaan 't gelieknaomeg Arrondissemint Muulhoeze. 't Gief drei distrikte in Muulhoeze: canton de Mulhouse-1, canton de Mulhouse-2 en canton de Mulhouse-3.

Alfred Dreyfus, 'ne Frans-Jäöse officier (bekind vaan de Dreyfusaffaire), waor hei gebore in 1859. Heer zaw zien gearresteerd op groond vaan landsverraod. Dit waor dudelek vaanwege twie reijes: 't antisemitisme in Paries, en de Pariese negatieve hawwing contra Duutsland en "Duutse gebeije" vaan Fraankriek (wie de Elzas).