Walchere

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

---

't Eilank Walchere in g'n provincie Zieëlank.

Walchere is 't westelige deel va g'n provincie Zieëlank. 't Geet um e vuurmalig eilank, waat hüts g'n vuëtzètting is va Zuud-Bevelank in g'n aw delta va g'ne reveer d'r Sjelde (egelig de Wester- en Oeëstersjelde). 't Gebeed tilt ungeveër 115.000 lüj óp 'n vlaak va 216 veerkante kilometer. Doamit is Walcheren mit 526 inw/km² de deechsbevólkte sjtrieëk i Zieëlank. Óp Walcheren lint de groeëtste sjteëj va Zieëlank, wie Vlissingen (ungeveër 33.000 lüj) en Middelburg (40.000). Anger wichtige klingsjteëj en dörper zint Arnemuiden (5.000), Veere, Oost-Souburg (10.000), Ritthem, Oostkapelle en Westkapelle. Plaatsj wie Domburg, Zoutelande en Vrouwenpolder zint befaam as badplaatsj aa de Noardzieë. Joarligs trèk 't eilank vöal toeriste, oeë ónger vuurnamelig oet 't Pruusj en 't Belsj. Veere en Middelburg zint óch good bezöch vaweënge dön aw binnesjtad en gooj beweërde arsjetiktuër.

Lanksjap en inwuënesj

De mieëtste lüj kalle nag 't lokaal Zieëws, óf ze beheësje 't döks good. Dat geet vöaral óp in de kling dörper óp 't plattelank. In 't zèlfde gebeed zint de mieëtste lüj óch geriffemeërd-protestants. In de groeëter sjteëj doateënge, wie Vlissingen, zint de lüj minder geleuvig. 't Zieëws, dat hei Burgerzieëws genumt weëd, sjtaalt 'n wenig óp de oersjprunkelige plattelangsdialekte i g'n umgeëving.

Walchere sjteet óch bekank vaweënge de sjlaag um Walchere in d'r Twieëde Weëltkrieëg. De gealjeërde Noorse en Ingelsje trópe besjlöate de Duutsje bezètter te teënge te wirke durch de dieëke bei Weskapel (Westkapelle) te bomberdeëre. I Weskapel vónge 180 lüj d'r doeëd. Anger plaatsj wie Vlissingen woeëde óntruëmd. Oetintelig vónge ungeveër 1.600 lüj d'r doeëd durch de gevólge va de inendaazj en de gevechte. 't Ganse lanksjap woar verkneujt durch 't zawt van 't zieëwater. In februarie 1953 woeëd Walchere nag inmaal getröffe durch 'n uëvervleujing.