Rieksweëg 73: Versjèl tösje versies

Van Wikipedia
Verwijderde inhoud Toegevoegde inhoud
ouch hie alvas de ieëste alinea; inne loup vanne waek zal ich alle pagina's mer 'ns doorspitte
Geen bewerkingssamenvatting
Tekslien 1: Tekslien 1:
{{Dialek|Heëlesj}}
{{Dialek|Heëlesj}}
'''Riekswaeg 73''', of de '''A73''' is 'ne [[autosjnelwaeg|autosjnelweëg]] deë durch de provincies [[Gelderland]], [[Naord-Brabant]] en [[Nederlands Limburg]] vuërt. De weëg verbink de Gelderse sjtad [[Nimweëge]] mit 't Limbörgse [[Brach]], woeë d'r aasjleet aan de [[A2]] richting [[Mesjtreech]]. De weëg duit ooch de plaatsje [[Kuuk]], [[Boksmeër]], [[Venrao]], [[Venlo]] en [[Remung]] aa. De weëg is 106 kilometer lank. Doamit is de A73 dus wiechtig vuur 't regionaale verkier in Zuudoeës-Nederland.
'''Riekswaeg 73''', of de '''A73''' is 'ne [[autosjnelwaeg|autosjnelweëg]] deë durch de provincies [[Gelderland]], [[Naord-Brabant]] en [[Nederlands Limburg]] vuërt. De weëg verbink de Gelderse sjtad [[Nimweëge]] mit 't Limbörgse [[Brach]], woeë d'r aasjleet aan de [[A2]] richting [[Mesjtreech]]. De weëg duit ooch de plaatsje [[Kuuk]], [[Boksmeër]], [[Venrao]], [[Venlo]] en [[Remung]] aa. De weëg is 106 kilometer lank. Doamit is de A73 dus wiechtig vuur 't regionaal verkier in Zuudoeës-Nederland.


== Gesjichte ==
== Gesjichte ==

Versie op 13 okt 2015 17:49

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.


Riekswaeg 73, of de A73 is 'ne autosjnelweëg deë durch de provincies Gelderland, Naord-Brabant en Nederlands Limburg vuërt. De weëg verbink de Gelderse sjtad Nimweëge mit 't Limbörgse Brach, woeë d'r aasjleet aan de A2 richting Mesjtreech. De weëg duit ooch de plaatsje Kuuk, Boksmeër, Venrao, Venlo en Remung aa. De weëg is 106 kilometer lank. Doamit is de A73 dus wiechtig vuur 't regionaal verkier in Zuudoeës-Nederland.

Gesjichte

De A73.

De A73 haet ein lánge gesjichte wat betrèf 't ontsjtaon. De waeg is vaanaf 't knouppunt Ewijk tót Boksmaer in 1986 ge-oapend. t' Sjtök Boksmaer-Venroaj is in 1993 ópgelaeverd. 't Trajèk tót knouppunt Zaardeheike beej Venlo wäödt drei jaor laeter ópgelaeverd. 't Deil vaan Venlo tót Brach beej de A2 is pas in 2008 ge-aopend.

De A73 lángs de iezerwaeg tösgen Venlo en Remunj.

Dèzze trajèk mós de provinciaal waege de N271 (oostelik vaan de Maos) en N273 (westelik vaan de Maos) vervánge, ouch bekind as de Nepoleonsbaan en doajewaeg, omdà hiè väöl (doajelike) óngelukke plaetsvóngje. In 1995 besjloat 't kabinet tót 't aonlègke vaan de nuuje sjnelwaeg op de westoever vaan de Maos. Ein daag d'r nao is mit ein motie gesjtèmpj veur de aonleg vaan de waeg op de oostoever. Perblème beej de aonleg waore de Europese raegelgèving en milieueffèktereppertaasje. In 1999 al zeen de veurberiejdene wirkzaamhede begónne. In 2002 is besjlóte de A73 op de oostoever aon te lègke. In 2003 is de aonleg begónne, waonach 't in 2008 fértiggesjtèld wäödt. De tunnels beej Zjwame en Remunj zeen dikkèls op 't jernaal gewaes, omdà die aafgesjloate waore vaanwège perbleme aon 't beviejligìnkssysteem. In 2009 is de A73 gans ge-aopend veur 't verkier.

Verloup

De A73 begós eigelik vaanaf knouppunt Ewijk beej 't dörp Beuningen. Ein paar kilometer vérder boégt de sjnelwaeg beej 't Knouppunt Lindenholt aaf nao 't zude, waonach de A73 de westelike sjtadsdeile vaan Nimwaege aondoot. Naodat de waeg de Maos euvergeit beej Kuuk, veurt de waeg vérder in de provincie Naord-Brabant. Beej de plèk Boksmaer verbindtj 't knouppunt Riekevaaart de A73 mit de A77 richting 't Ruhrgebeed in 't Pruus. Beej Venroaj geit de sjnelwaeg de grénsj tösgen Naord-Brabant en Limburg euver. Beej Venlo verbindtj 't knouppunt Zaardeheike de sjnelwaeg mit de A67, de sjnelwaeg vaan 't Belsj nao 't Pruus. De waeg veurt hiè kórt d'r nao lángs de westelike sjtadsdeil Blierik, waonach 't de Maos euvergeit.

Dirèk hiènao sjplits de waeg aaf in de A74, die sjnel d'r nao euvergeit in de Pruusje sjnelwaeg A61 richting Koblenz (Knouppunt Tiglia). De A73 veurt vérder richting t' zude lángs plèkke as Tegele, Bezel en Zjwame. De bebösjte hoeëgten vaan 't Maosterras op de grénsj mit 't Pruus is hiè good te ziè. Beej Zjwame is ein kórte tunnel vaan 400 meter lángk (Tunnel Zjwame). Zujeliker, beej Remunj is ein lángere tunnel vaan óngevaer 2.400 meter, de Roertunnel. De waeg veurtj hiè (ouch) onger de ziejreveer de Roer, die veurtj nao de Maos. 't Sjtök onger Remunj veurt lángs de Maos en zien plàsse. Kórt d'r nao sjloét de A73 aon de A2 beej 't knouppunt 't Vondere.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Rieksweëg_73&oldid=381266"