Groninge (stad)

De stad Greuninge (Hollands Groningen, Nedersaksisch Grönnen) is de houfstad vaan de glieknaomege provincie. 't Oppervlak vaan de gemeinte is 82,52 km²; op 1 januari 2005 woende hei 180.848 lui. 't Is daomèt de zevende stad vaan Nederland en verreweg de groetste vaan Noord-Nederland. In Greuninge en Noord-Drenthe weurt de stad sömpelweeg es stad geneump. De stad is de einege vaan 't Noorde mèt universiteit.

Historie

Greuninge oontstoont in de vreuge Middelieuwe op de noordpunt vaan de Hoondsrögk. In de dertiende ieuw waor 't al zoe groet tot 't op eige gelegeheid (dao waore gein landhiere veur 't stadsrechte te geve) walmör bojde en 't tot de Hanze touwtraad.

Al tiedens d'n Tachtegjaoregen Oorlog, in 1614, kraog 't zien universiteit. In 1672, 't Rampjaor, woort de stad langdeureg belegerd, zoonder succes. Nog eder jaor weurt op 28 augustus Greunings oontzet geveerd. In Greuninge is dit 'ne fiesdaag.

In de achtiende en negentiende ieuw blaof de stad bloje en oontwikkelde ze 'n groete sókkerindustrie.

Extern linke

• Officieel site vaan de gemeinte
• Homepage vaan de RUG (Rijksuniversiteit Groningen)