Eupe

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Eupe (Duutsj: Eupen) ies 'n sjtad in 't oaste van 't Belsj en de hoofsjtad van de Oaskantons, die bies 1919 bie Duutsjland huèrde. De sjtad liek aan de rand van de Hoage Vene, ongevaer 20 kilomaeter tösje Aoke en Verviers en 45 kilomaeter zuudoastelik van Mesjtreech. In 2005 houw Eupe ruum 18.000 inweunersj.

Es compensatie veur de sja die Belsj haet geleje in de Ièrsjte Wereldoorlog, woort in 1919 't Verdraag van Versailles gesjlote, hiedoor woorte de kantons Malmedy, Sankt-Vith en Eupe bie Belsj geveug (same de Oaskantons geneump). In dit gebeed weurt door de mièste luuj Duutsj gekald. De sjtad haet ouch 'n Franse benaming, Néau, meh die weurt tegewoordig neet miè zoa väöl gebruuk.

Eupe liek in ’t dal van de rivier de Vesder en ies mèttertied ouch noordelik oet 't dal gegreujd, daodoor haet de sjtad 2 kerne.

In 't zuje grens de sjtad aan de Hoage Vene, 'n groat oetgesjtrèk bösj- en veengebeed. Hie liek ouch 't sjtuwmeer.

Taal

---

De volgende sectie van dit artikel is gesjreve in 't Oost-Voeres.

---

In Eupe waeëdt dör oongevaeër 90% van de lüj Duutsj gekald, dèùr de rest Fraans. 't Eupener huuët me neet väöl mieë.

Externe link

• Officieel website