Plaat (Ieëpe)

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Ieëpes, es te dit dialek sjpriks.

---

De Dorpshaof in Plaat

Plaat ies 'n buurtsjap van Ieëpe in 't heuvelland van Zuud-Limburg in de gemeinte Gulpe-Wittem. In Plaat liegke 10 hoezer.

Bezeenswaerdig

• Vakwerkhäöf en hoezer.
• De Dörpshaof, gelege aan de waeg nao Terziet en aan de holle waeg mèt de naam Dorphof riechting de Óndersjte bösj ies 'n groate carréboerderiej, opgetrokke in vakwerk. De plint van 't geboew besjteit oet breuksjtein.

'n Gedeilte van de besjtraoting van de binneplaats, van Ièpener kiezel, zou 'n restant zin van ein in 1289 vermelde börch.

• Get lièger aaf, aan de Geul, op Plaatwaeg nr 1, drièjt 'n watermeule oet de 18 ièw. Vreuger woort de meule gebruuk veur 't volle van lienzaod en 't vilte van wölle sjtof. Dao-aan haet ze de naam volmeule te danke. In 1872 ies de meule umgeboewd tot koremeule. In de jaore 70 van de 20e ièw volgde 'n restauratie nao 'ne brand. Tot 1994 functioneerde ze veur 't Gilde van Echte Bekkersj. Op dit moment, allein op zaoterdig, weurt 'r vièvoor in geproduceerd. Dat gebeurt nog ummer op waterkrach.
• 'n Moerkapel mèt crucifix in 'ne haof op de driesjprunk tegeneuver de Dörpshaof.