Ezerhei

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Ezer, es te dit dialek sjpriks.

---

Ezerhei (Nederlands: Eyserheide) ies 'n buurtsjap van Ees (Eys) op 't plateau in 't Zuud-Limburgse heuvelland in de gemeinte Gulpe-Wittem. De naam kump van Ees en van de hei, die hie vreuger laog. 't Gehuch tèlt 90 inweunersj.

Bezeenswaerdig

• Eine kièr in de drie jaor kump hie de processie langs vanoet Ees.
• De Ezerbösj mèt sjtiel hellinge veur wielrennersj. Eder jaor passeert hie de Amstel Gold Race.
• Op 't plateau van Ees haet Natuurmonumente grónd aangekoch ter besjerming van de korewouf (korenwolf). 't Land weurt daoveur op 'n ouwerwètse meneer beheerd. Daodoor óntsjtoon akkersj mèt kore, kolleblome (klaproas), koreblome en maoter (kamille).